今個禮拜六在中環 IFC 的香港 Apple Store 分店終於開幕啦，今朝我串哥因為做零售的關係，被邀到 Apple Store 預先參觀，unwire 網站一早就登了好多相，所以我都不打算在裡面拍太多了，今次主要問了 Apple 負責人關於些香港 Apple Store 數據調查及背後的故事，現在跟各位分享一下
為何選址 IFC ？
有好多人估點解首家Apple Store 會選擇中環 IFC，原來背後有段故。話說當Apple 總部高層來香港時，搭乘天星小輪遊覽。其中一名老外突然一問，果楝咁搶眼咁高的係乜來？”What the duck is that tall building?” (設計對白)。 其後得知原來 IFC 是中環甚至是港島區的地標，本身會有大量遊客人流。而且位置交通四通八達，又位處碼頭，本身又是港鐵上蓋，相當方便。
Tim Cook 不會來港主持開幕
訪問了現場的蘋果負責人，已証證 Tim Cook 不會來港主持開幕禮，職員說屆時開幕其實不會有特別的儀式，不過我們員工會並列於門前向首批進入的顧客鼓掌鼓勵。
百人店舖 1 對 1 服務
一入店舖，就受到 Apple Store 員工「英雄式」拍手歡迎，個一下真是十分開心，好有自豪感喎！入到去，成間舖頭有兩層，夾埋應該有大約 100 個員工左右，Apple 員工表示他們希望做到對顧客「一對一」服務，可以盡情解答他們的疑難，認真體貼！負責人話原來呢批員工只是其中一部分，夾夾埋埋成間店舖有成 300 名以上員工
男女比例 7：3
另外，入得去舖頭，在睇機前一於睇睇老表既同事入面有沒有美女員工！……也難怪的，如果員工太靚仔靚女，大家的注意力就會由產品轉移到員工身上了，不難理解。
8 成本地員工
講起員工，不如就等我串哥講多少少吧，員工入面其實 8 成左右都是本地香港人員工，剩低 2 成就是非本地員工，有些操國語，有些是外國 ABC，認真咩客人都肯定 serve 到。但不論員工國籍，通通都去左美國總部做 Training，所以服務風格會同美國度一樣咁舒適。
開店冇優惠但有 Tee 送
之前有傳Apple Store 開張會有特別優惠，但香港員工已向我地講左，開頭冇特別優惠。不過，頭 3,000 位 客人就會送一件滿江紅版限量 Tee，但就唔使特登排隊搶平機了。
只見賺錢產品‧Mac Mini‧Mac Pro、Thuderbolt Display 失蹤！
好了，講完員工，都是講番產品實際一點。整間店舖只見 iPhone、iPad、MacBook Air、MacBook Pro，全部也是 Apple 現時最賺錢的產品，反而較冷門的產品，包括 Mac Mini、Mac Pro、Thunderbolt Display 就影都唔見！不過都難怪的，正常店舖都是將最賺錢及熱賣的產品放在最當眼的位置，但是冷門產品連放也不放，就連做了賣機咁多年的我，都覺得好奇怪呢！
iPhone 即買即上台
講開熱賣的產品，Apple 最熱賣的產品肯定是 iPhone，在 Apple Store 自然可以即時買走現貨 iPhone 4 啦，如果大家想上台，仲可以即刻搞埋手續添！不過台就無得你揀，只可以揀 CSL 1010，要揀其他台，唔該買部淨機之後再出番去中環自己 Join！
即時信用咭付費
每張桌上都有一台信用咭機，俗稱「碌咭機」，客人使用信用咭付費時更方便。付現金的話，可到二樓 Cashier。有趣的是上海 Apple Store 的「碌咭機」旁附有一台驗鈔機，用來防止收到假人民幣，香港則沒有這個。
HP 地位超然
雖然店內有售各類 Apple 產品，但周邊類都是放置在周邊專區。唯一例外係是HP Printer 可以放在展示枱，相信係同要示範 AirPrint 有關(Canon 也於早幾個星期前宣佈支援AirPrint ，將來會出現於 Apple Store 嗎?)。
維修專區
店面內有維修專區，如果購買產品有問題的話，可以帶回來進行維修。店員話一般來講，24 小時可以拎返。
昂貴 iPad 做價錢牌
每件產品側都有一部 iPad，用來顯示價錢之餘，又可以讓用戶比較不同產品。而且有呼叫功能，可以即Call 店員到來服務。每位員工會有一部 iPod Touch，可以顯示要協助的顧客。而客戶的 iPad 會顯示即將協助自己的店員名。
玻璃樓梯會走光嗎？
通常每有反光，玻璃建築時，香港傳媒都會炒作邊度邊度成為新走光黑點。而 Apple Store IFC 店中央的玻璃樓梯會否成為重災區？其實樓梯採用磨砂玻璃設計，向上望只會見到「黑影」。當然有心要看都可以在梯級間的空位看得到，但如此明目張膽的話我不相信冇人阻止。
參觀一樓
走上二樓
續 :
香港 Apple Store 你不知道的事 II – 員工及產品篇>>>
分享到 :
最新影片
『滿江紅限量 Tee, 做過實驗，放在街上 3 分鐘冇人執。』
好串呀！XD
『滿江紅限量 Tee, 做過實驗，放在街上 3 分鐘冇人執。』
[直到第3分零1秒‧‧‧]
都唔知放係邊條街。。。
慘不忍睹..這個是你個人blog還是新聞?
Interesting report! Look forward to experiencing the service of Apple Store.
我諗Android實用o的.
大好機會早大家兩日入去參觀, 可以比到大家好多想知道既info…但係你就唔去報道一些重要資料,走去評論d女員工靚唔靚…..不如你了解下d員工對apple product既了解程度去到邊, 比較一下佢地既服務態度, 會唔會好似瘋澤,百x匯果d sales 亂9咁up好過啦….你咁仲意影女仔, 去車展,動漫啦..unwire真係 completely garb……….
“反而較冷門的產品，包括 Mac Mini、Mac Pro、Apple Cinema 就影都唔見！”
你有冇去過apple store？美國不嬲都唔放依d出黎＝。＝
“[只見賺錢產品‧Mac Mini‧Mac Pro、Apple Cinema 失蹤！
好了，講完員工，都是講番產品實際一點。整間店舖只見 iPhone、iPad、MacBook Air、MacBook Pro，全部也是 Apple 現時最賺錢的產品，反而較冷門的產品，包括 Mac Mini、Mac Pro、Apple Cinema 就影都唔見！不過都難怪的，正常店舖都是將最賺錢及熱賣的產品放在最當眼的位置，但是冷門產品連放也不放，就連做了賣機咁多年的我，都覺得好奇怪呢！]”
你話係唔係completely garbage….呢! 全部只係你個人意見, 點解你在場都唔去問下? 點解唔了解左之後話比大家讀者知呢? 睇黎unwire 已後都唔洗再睇…
蘋果產品很受歡迎，unwire編輯不停更新，但報導不知所謂。
找錯處：
Apple依家賣緊既係Thunderbolt Display，唔係叫Cinema Display
P.S.
Unwire不如刪返影女仔果D相啦，人地打份工姐，駛唔駛咁?
如果果個係你個女兒，你會有咩感覺?
將心比己，Unwire一定明
Unwire 係不知所為啦，報告間舖啲女仔的樣跟本係無新聞價值。真不知unwire點做傳媒？
D人超搞笑囉
又要串人又要睇~”~
我覺得間中咁報道無咩問題牙
起碼我日日CHECK住UNWIRE先
打哂D FORMAL 野一陣又話悶
好心D人學會少一點批評多一些欣賞
不要抹殺各編委一番心血吧=(
周圍都報導到咁OFFICAL, 好似睇新聞咁都悶悶地啦。UNWIRE呢次報D比較另類野大家笑下無妨, 我覺得係可以深入D介紹既,不過唔知係唔係時間唔許可啦，樓上果D唔O岩睇咪算囉,唔駛垃圾前垃圾後既~
幽默風趣和主觀輕佻是有差別的。
“男性員工很好笑容，女性店員比較 Cool，但樣子不令人反感，”
先不講最後那個莫名其妙的逗號。
什麼叫樣子不令人反感？可不可以給點尊重？
鱔稿都唔識寫，究竟讚定嫌棄呢！
雖然問題不大，但我想講紅衫個外國女士有入到去仲上埋1樓囉。。。Youtube有片嫁
too bad..講得就講
中間有無聊野其實小小地ok，比起其他本地media今日入apple store報導中，呢篇算係最有資訊get到，上面d人選擇性失明
「大件的有 iMac，但就冇 Cinema Display、Mac Mini 等。」
Admin快D改返呢句，錯Products名好大罪
係Thunderbolt Display不是Cinema Display
對了,產品名呢D應該要客觀地正確!!!
i like 串哥!
講真,個人見聞有咩所謂,我覺得無問題嫁 i like 串哥 寫俾你睇你就話3話4 有本事未唔好睇囉 ,又無人拎支槍指住你,串哥辛苦了,努力是有人看到的,
人家不是賣樣的公眾人物，最好不要對他們評頭品足啦。私底下的說話，有時是不適宜放在公眾地方談論，要顧及對方感受，這是對人基本的尊重。我就覺得你話很 cool 的那個職員很可愛。
說得這網站如此不知所謂，不尊重人，但還有為數不少的”君子”來批評，還要天天註足觀看，這是我們該學習的好時機，受教了…
如果不是來教導我們”如何選擇好網站”，那你一定是患上思覺失調，這網站對你們來說那麼低俗，理應直接從我的最愛中移除（如此不喜歡正常應該直接略過，不應加到我的最愛），而不是邊看邊批評，可是你們偏要天天第一時間觀看及回覆，你說不是有病我也不相信！
對文章有意見就不再看該網站？
朋友有缺點就絕交？
男/女朋友有問題就分手？
這就是為人處事的態度？
再說如果是我們胡亂批評的話，為甚麼最後要改？
是不是編輯們也覺得不恰當？
不過知錯能改還是要讚的!
這麼久的文章，估計沒有人看…