Apple 今日明玩野！平時 iPad2 開得兩三分鐘都算，今次直情係玩隨機秒咁。由今朝到而家已經開左 5 轉，每轉時間都唔一樣， 最短 3 分鐘，最長者 10 分鐘，攪到班炒家好似炒期指咁，係電腦前面不停 F5 唔敢行開，係討論區喊晒口，有人仲嚇到唔要機，搵人o肯期貨，執 10 蚊雞一部離場。講完一單，再爆一單谷氣野，前日白色 iPhone 係 Apple Store 長開，水貨佬唔收機之際，某大商舖就懶仁慈咁係 Facebook 宣傳「我地有少量白色 iPhone 存貨」，立即比心水清的用家媽到上天，之前有得炒果時又唔見你話有貨？炒濃左先黎有貨賣，有無咁巧合呀？作為蘋果指定的 Reseller 之一，早排賣 iPad2 時居然屈人買配件，真係點都講唔通！呢d奸商真係PK，你奸都算，唔好扮到皇恩浩蕩咁啦唔該。
分享到 :
最新影片
其實果間野在首賣日係唔駛買骨。
抵你班抄家死,阻住地球轉.
抄到香港買唔到機仲咁大聲夾惡,抵X死
筆者你有份炒呀? 咁勞氣既 哈哈
所有reseller都要屈你買配件噶啦~有錢邊個唔想賺!
有錢係誰都想賺，不過這樣同搶沒什麼分別，最過份是你d配件係apple原廠都好一點，一些先達老番野都當正價買就分明騙人啦，賺錢吾係大晒既……..