就很多讀者關心的港行 Motorola Milestone 2.2 更新一事，本站在今天 Milestone 2記招會特地訪問了香港及台灣區 Motoroloa 移動器材事業部總經理馬肇文先生，他的回應如下：
記: 很多 Milestone 用家都覺得 2.2 更新時間推出太晚，對此有甚麼回應呢?
馬: 其實我們官方已經公佈，於 2011 年首季提供官方更新，相信應該快推出! 各位讀者請耐心等候。
P.S. 筆者估計讀者們不會滿足於這個答案，所以私下再追問 Motorola 的技術人員(不願公開名字)，他回應說：「其實這個 Milestone 更新令我們進退兩難，你要知道 Milestone 的硬件規格今時今日是有點力不從心了。我們在測試時發現 2.2 的 Milestone 在效能上未必如 2.1 般順暢，尤其是多工處理時，真正是『出又死唔出又死』，而且手機升級容易降級就很困難！」
這段對話只是小記跟 Motorola技術人員的私下對話，絕不代表香港 Motorola 官方立場，請各位明白。
..
記: 很多人說 Milesone 2 的推出比外國遲太多，為甚麼不能早一點於香港推出呢?
馬：其實我們公司針對每個地區有不同的銷售策略，好像 Defy 我們就很早在香港推出。
..
記 : Milestone 2 將會有 2.3 的更新嗎?
馬 : 暫時我們還未有Milestone 2 Android 2.3 更新的確實日期，但我個人覺得 Android 2.3 跟 Android 2.2 跟本分別不大，那個 NFC 功能香港根本用不到，所以用家不用太過強求 2.3 了吧!
分享到 :
最新影片
咁佢好似唔太了解香港人，香港人真係有理冇理都要update到最新既ver。0
消費者唯有以行動回應: 等第一部雙核(LG)發售時, MS2跌多5,600蚊先買囉~哈哈~
係點都唔再買MOTO囉~~~!!!
人家iPhone 3G 升到最新version iOS 夠吃力啦,,又唔見唔俾update, 有做到可以推出是一回事, 推出左用家是否update是另一回事,用家有選擇權, 你講明會效能有所下降就得啦…起碼叫做有責任感啊!!
……就很多讀者有關港行 Motorola Milestone 2.2 更新一事……
==>就很多讀者[關注]港行 Motorola Milestone 2.2 更新一事
==>就很多讀者[熱心關注]港行 Motorola Milestone 2.2 更新一事
==>就很多讀者[關心]港行 Motorola Milestone 2.2 更新一事
==>就很多讀者[緊張]港行 Motorola Milestone 2.2 更新一事
==>就很多讀者[討論]港行 Motorola Milestone 2.2 更新一事
==>就很多讀者[熱心討論]港行 Motorola Milestone 2.2 更新一事
(小弟膚淺，其實……「港行」係咩嘢嚟架?)
……本站在今天 Milestone 記招會時特地訪問了……
==>本站在[昨天] Milestone 記招會時特地訪問了
(以文章發佈時間2011-01-29 03:19計算，應該是昨天吧)
……馬:其實我們官方已經公佈，於 2011 年首季提供官方更新……
==>馬:其實[我們]已經公佈，[將]於 2011 年首季提供官方更新……
……相信應該快推出!各位讀者請耐心等候……
==>相信應該[很]快推出!各位讀者請耐心等候[。]
==>相信應該[很]快推出!各位讀者請耐心等候[！]
……你要知道 Milestone 的硬件規格對於今天是有點力不從心了……
==>你要知道 Milestone 的硬件規格[在今天而言]是有點力不從心了
==>你要知道 Milestone 的硬件規格[今時今日]是有點力不從心了
……我們在測試時發現2.2的 milestone 在效能上未必如 2.1 般順暢……
==>我們在測試時發現2.2的[M]ilestone在效能上未必如2.1般順暢
……真正是「出又死唔出又死」……
==>真正是[『]出又死唔出又死[』]
(說話中的引號，即單引號中的雙引號)
……而且手機升級容易降級就很困難!……
==>而且手機升級容易降級就很困難![」]
(說話的後單引號)
……這段對話只是小記跟motorola技術人員的私下對話，絕不代表香港motorola 官方立場……
==>這段對話只是小記跟[M]otorola技術人員的私下對話，絕不代表香港[M]otorola 官方立場
……記: 很多人說Milesone 2的推出比外國遲……
==>記: 很多人說Milesone 2[比外國遲推出]
(英式中文)
……馬：其實我們公司針對每個地區有不同的銷售策略……
==>馬：其實[我們對]每個地區有不同的銷售策略
……馬 : 暫時我們還未有Milestone 2 Andoird 2.3 更新的確實日期……
==>馬 : 暫時我們還未有Milestone 2 Andoird 2.3 更新的確實[公佈]日期
==>馬 : 暫時我們還未有Milestone 2 Andoird 2.3 更新的確實[推出]日期
……但我個人覺得Android 2.3跟Android 2.2跟本分別不大……
==>[而]我個人覺得Android 2.3跟Android 2.2跟本分別不大
==>[反而]我個人覺得Android 2.3跟Android 2.2跟本分別不大
p.s.
(1)唔，有進步，我暫時睇唔到錯字(剛剛瞓醒)
(2)但係基本嘅標點符號基礎薄弱(引號呢啲嘢根本唔應該出錯，校稿時一頭一尾對好數目就收得工；當然，涉及工作仔細程度……)
(3)基本說話轉述嘅技巧薄弱(只要表達到話者嘅意思，適當嘅修整係必要嘅)……
(4)Motorola、Milestone嘅開首字母無大寫(呢排好多你地嘅文都係咁，基本到無謂多講……)
打擾了，見諒！
Logan，唉！你說如此的編寫質素，怎辦？
King，只能輕嘆無奈……或，一同以時日來見證……
大細楷標點符號就話啫,好似”快推出”你話改”很快推出”真係多餘,”但”改”而””反而”仲古怪,單單news你都要拎個放大鏡玩proofread然後無奈一輪,何苦呢…
仲有,港行即係香港行貨呀.如果你關心語文多過科技,你係咪黎錯地方?
多謝閣下嘅意見。
(1)好似”快推出”你話改”很快推出”真係多餘
==>
唔改無話唔得嘅，但將整句說話讀一次嘅話就會發覺有啲怪；或者原文改為「相信應該就快推出」起碼都通順少少啊。
(2)”但”改”而””反而”仲古怪
==>
呢個係文筆方面嘅問題。
以轉折複句「雖然…但是…」句式而言，即使原文無用「雖然」二字並無問題，「但」一字亦可；只係就原文而言，小弟覺得用「而」或者「反而」代替「但」可以更為傳神咁表達說話者嘅意思，轉折嘅意思更為清楚：「雖然」更新未有著落，個人「反而」覺得無需強求。
(3)單單news你都要拎個放大鏡玩proofread然後無奈一輪,何苦呢…仲有,港行即係香港行貨呀.如果你關心語文多過科技,你係咪黎錯地方?
==>
報導以文字為載體，無良好素質嘅文字，又點可能有效咁為讀者帶來資訊？
從來，讀者只會論及報導所提及之資訊與話題，但有幾何會涉及到文字質素嘅話題上去？閣下可有發覺，你睇該網嘅時候，係自己去「估」啲文寫啲咩，而唔係啲文直接講啲咩俾你聽？咁就已經代表係呢度嘅人嘅書寫能力出咗問題囉。
我留低幾句，代表嘅只係小弟一人對該處嘅文字質素方面嘅一啲建議而已。媒體界出版界有其一套客觀嘅文字水平標準，同行人一望便知龍與鳯；我唔係呢度一眾編輯作者們嘅上司，我亦唔期望佢地會因此而改變啲咩，只係想引起一眾讀者嘅關注，特別係年輕嘅一群：大家往往係網絡世界裏面只顧吸收資訊，而忽略咗文字應有嘅作用，以及對自己書寫能力嘅鍛練。
試想象一下，如果連睇報紙都要估下估下，都幾無癮！
另，「港行」係咩，小弟真係唔知，所以咪問囉，請問有何不妥之處？
坊間好多縮寫嘅普及程度低，有唔少縮寫唔係就咁睇字面就知道所代表嘅意思，特別係好似小弟呢啲無用開嘅人而言就更加一下子理解唔到。反而，小弟想反問一句：點解筆者唔清清楚楚講「香港行貨」，而要用「港行」一詞？唔通咁寫會令文章嘅可讀性或者普及性有所提高？
以鏡頭焦段嘅縮寫為例，閣下有空不妨望吓以下所連結之論壇回應，睇下有無可參考之處：
http://www.dchome.net/viewthread.php?tid=941763&page=1#pid11075509
p.s.
最後，懶少少，抄番小弟尋日係《iPad生日快樂！》一文度回應另一路人嘅一段對白(因為唔似論壇咁有連結提供)：
其實閣下又唔洗咁挑剔既,
好似”但至今蘋果仍未舉辦記者會”
其實個人覺得冇咩問題,
==>
對食筆桿飯嘅人嚟講呢種係基本要求，辭不達意係無法喺行內立足嘅；如果該網站負責編寫及整理嘅員工無咁嘅概念，我就無話可說啦；如果該網站嘅文章連基本嘅錯字問題都未有能力根本咁去解決、杜絕的話，或者對佢地嚟講呢種的的確確係一種你口中所講嘅「挑剔」！
原文整句有3項資料：「iPad滿周歲」、「傳言處處」及「仍未有記者會」，筆者嘅鋪排似有層層遞進之意，如果適當地加以轉接字詞，可以令整句嘅表達更為通暢，會更有組織性、有義意咁將該3項資料帶給讀者。
有能者，何以不為?
有時可能成篇用哂口語寫仲好.
依咖有好多本地雜誌都咁做,
最緊要讀者睇得開心.
==>
有能力嘅話，當然最好。
其實用口語定書面語都無所謂，只係呢度唔少常規文章都係口語、書面語夾雜，仲要夾到不倫不類，無論睇、讀都好不流暢，當然更加談唔上暢快、享受同你講嘅「開心」。
大家都整蛋糕，用嘅都係常見嘅材料，有心思、有能力、有經驗嘅人就可以係咁嘅情況下做出比其他對手更為引人注目、更加可口嘅蛋糕；其他求求其其事事但但咁整嘅蛋糕，係咪唔食得先?絕對唔係，起碼都應該唔會食死人嘅……只係喺可以自由選擇嘅情況下，俾著你，你又會食邊個整嘅蛋糕先?
相贈一句：取其上者得其中，取其中者得其下，取其下者得其……
個個都好似你咁，唔怪得香港文化文平會咁低！
King，你講得無錯。
我地面對呢啲咁質素嘅文體做番少少基本嘢，
都可以俾人話係「挑剔」，
咁新聞報紙嗰啲咪收做「神級」嘅質素？
教科書裏面嘅又可以叫咩級數好啊？
唉……
2.3 淨係加NFC, 無其他咩? 個text selection, copy and paste 都改善左好多, 對用家好有用.
睇完以上對話, 摩記list已black, 冇得撈喇~~ XDDD
現役 Milestone 用家…
當時買 Milestone 就係見佢一路有勤力做 Update，
雖然我已經係等到出左 2.1 先買，估唔到 2.2 又要等咁耐…
對我黎講 2.2 最重要係個 App Engine 改善左快左嘛
雖然家陣用起上黎都已經有啲「疾疾地」，疑似係 RAM 唔夠
( 那種鈍很似電腦做緊 Page Swap，小弟是做電腦的~ )
升埋 2.2 總是好的，起碼知道係硬體唔夠快，
唔係人為地無得用 Google 的新 Engine 而慢…
不過下次買新機呢~ 咁睇黎係唯有買 iPhone 了…
既能保值又唔使擔心 Update 問題
讚成~~~!!!
只能說，訪問者與被訪者完全是避重就輕，真正問題就輕輕帶過！
什麼叫”Milestone 的硬件規格今時今日是有點力不從心了”？
美版 Droid 規格不一樣？上年十月時已經一大票美版用家在用 2.2 吧？
什麼叫”出又死唔出又死”？
我們用家可是真金白銀拿出來買了你們承諾的”Flash Ready”手機。
你們要死也快給我死出來，或是退款！這個可是根本的不實廣告！
沒經測試是否能行 2.2 是 Motorola 的問題，不是要讓用戶承擔 Mo 記過失的籍口！
而且，每一個版本的 firmware 都是特多臭蟲，而且只有 Mo 記才有的臭蟲！
2.0 只要打開 Mobile Data 無辦法能正常播歌
2.1 鬧鐘死亡，AGPS standalone 定位失敗，連基本中的基本，自家的 Crystal Talk 也被破壞！
2.1 2nd update 才把這些問題修好，卻是在三個月後才推出。自家的 support forum 只當縮頭鳥，竟然是用家自行法掘出解決方法！可是到現時那個 post 還沒有 Mo 記人員出來交代問題所在！
什麼叫”其實我們官方已經公佈，於 2011 年首季提供官方更新，相信應該快推出! 各位讀者請耐心等候。”
耐心？你們上一次公佈是 2010 年內提供 2.2 更新的。
同一時間更有 Mo 記工作人員表示絕不開放 Bootloader，是不是因為業餘的 ROM Cooker，比你們所謂的開發部更有熱誠？
真有誠意的話，請提供 2.3 的更新才使表 Mo 記對自己的過失負責！
當第一代 HTC G1 都能用上 2.2 時 (即使是修改版)，相隔兩年的 Milestone Mo 記卻表示因為硬件限制。這根本就當消費者是笨蛋的作法！
只能說，Mo 記只能買美國機，美國以外，請向 Mo 記說不！
相信我們以後都不會再買無得升級嘅電話商~~~!!!
轉LG啦, 近來LG質素真係好咗.Moto當我地係乜.佢有佢地既”覺得”及”策略”, 我們也”覺得”2.3或以上是需要的,及捨棄Moto的”策略”. 不要以為只有Moto有Android, 周街都係.你唔尊重香港既市場, 就滾番去美國賣.
睇完以上既訪問, 我對 Moto 香港真係好失望
– 首先, 真係唔明點解 Milestone 個2.2升級要等咁耐, 好似樓上所講, 美國人地部 DROID 硬件都係差不多, 人地一早已經有2.2, 點解香港要搞咁耐
– 點解另外當日既主打機 XT701 同720, 今時今日都唔公佈有無2.2 UPGRADE, 甚至可能根本就唔會有…好呀, 你話2.2同2.3差別不大, 我地唔駛強求, 咁2.1同2.2功能上分別夠大啦? 咁點解701/720無得上2.2? 大拿拿幾千銀買部機, 估唔到仲比唔上人地 HTC 果 D 入門機好似 Wildfire 果d
– 至於 DEFY 在香港早推出, MILESTONE 2 人地在美國出左半年咁劑, 遲都無理由遲咁多呀…根本DEFY 同 MILESTONE 2 TARGET 既市場同用家大家都唔同, 我唔明點解 MILESTONE 2 要咁遲囉…況且, 好明顯大家都係期望 MILESTONE 2 多過 DEFY, 你唔比個橙我地, 求其比個桔我地, 仲同我講, 拿, 你睇下人地都未有桔食, 而家比左個桔你食先架啦, 咁你唔好望住人地個橙流口水啦
– 而家先黎出 MILESTONE 2, 原本機皇級既硬件, 而家即將變哂次等野…可能你地都調低左個價錢, 但係呢D要接收「二手科技」既感覺一D都唔好受囉, 好似人地唔要, 賣唔哂先分D比我地咁, 唔好當我地「垃圾收容港」先得架…
– 至於你地而家咁「明顯暗示」MILESTONE 2 會唔會有2.3 UPDATE, 我相信大家都好心水清, 可以作出精明既抉擇啦..
正用個 MS 2.2.1 HK leak 好幾日, hardware 唔夠勁? 咪玩啦, 除了開app 真係比之前慢了幾秒, 其他地方完全唔覺有咩問題
不過就好明顯個rom 完全都無tweak 過, 好多應該要開既野都一律行default 囉, 唔死就奇
而且其他2.2 cook rom 比2.1 更順, 好明顯咩事啦!
都on嘅,2.2係效能提升架嘛,點會下降呀,又唔見us班droid用家話慢左?低智.
佢地梗係咁賤唔比你地upgrade啦﹐比你地upgrade仲得了o既﹐佢地又唔係走apple 條路﹐一年一部機黎搵食﹐比你地班友仔upgrade﹐仲搵鬼比錢買新機咩﹐梗係老虎蟹都唔比你upgrade啦﹐幾大都靠個新version 黎”屈”你班android友比錢買個部新…
呢d 就係佢o既”””””進退兩難”””””勒….
諗起火都黎, 上年買完兩部無三日有 dock 送,
之後 update 完 2.1 死呢死路, 鬧鐘失靈(邊只得 iPhone 有),
聽電話忽然 cut 線.
仲有個推遲三次(2010/9月, 聖誕, 2011Q1) 都唔知係邊o既 2.2 update.
機能唔夠? 佢都當香港人都係白痴, 人地美國 DROID 果o的係乜,
XDA 果o的 rom 又係乜 ?
總之 霉記 係以後都唔會再買, 由佢發霉.
自問一句: 成個世界咁多機, 我做乜要忍你?
用緊 霉記 真係早走早著, 跳船用三星, HTC, 大陸貨都好過霉記.
最後給 香港霉記 (如果佢地有睇):
賣野講口碑, 口碑係靠客戶做出黎, 唔理客戶感受就係自尋死路.
機能幾勁有乜用, 你個行銷咁趕客, 用左六年舊客都走, 仲要大大力叫人唔好買.
所謂嘅技術人員喺邊到搵架，係人都知2.2有明顯嘅performance boost，就算G1行都有，MS居然冇？
個記者係咪是但捉個人嚟問咋？俾返少少責任感，核實身份先攞料得唔得？行2.2會頂唔順，2.2同2.3冇咩分別都出到街，有冇編審架？？唔識就唔好學人出tech news啦！
<<<<<<>>>>>
知你地按post去收錢,打狗都要睇主人,成段野係你地老細講,唔係人地個網講,唔識呢,就唔好學人做打手,打到你咁低層次我都係第一次見嘍,毛記係咪無錢請打手,搵d小學生來?
是但捉個人黎問?你識唔識中文?人地個位你打一世牛工都未坐到呀小朋友!
我知你識中文，不過理解能力有問題囉，如果我係毛記打手會po啲咁嘢出嚟？你咪坐住自己個腦幻想啦
我想問被”私下再追問不願公開名字Motorola的技術人員”係咩pos呀？編文有冇講到呀？CEO呀？CEO咪又係打工，傻仔！
我只係路過見到啲咁低層次嘅報導所以出句聲，你唔認同就一係當睇唔到，一係就攞啲合邏輯嘅論點出嚟指我有咩講得唔啱，是但搵啲嘢嚟嘈對你嘅腦部發展冇幫助架，坐住自己個腦諗嘢嘅小朋友
希望早日可以用上 2.2ROM For Milestone！
絕對喺不負責同冇根據嘅說話。小弟放棄等待而load了3party嘅2.21Rom, 速度和實用性明顯提升，其實Moto只要不鎖bootloader已ok, 反正3rd party ROM一定比Moto自家的好用!!
嘿，人地 hero 連 2.3 都行得順，Mo 記 d 人真係只識狡辯。
你話 2.2 行唔順嘛，得，咁人地弱過你都行得 2.3 順，咁你放隻 2.3 出黎啦。
http://www.youtube.com/watch?v=usoXf8SKJJY
自己唔努力，一味想唔 support 舊機迫人買新機，Mo 記真係要永久 black list。