有報導指 Android 平台經理 Eric Chiu 在周二表示 Google 對 Android 用戶購買太少 Apps 感到不滿，正研究如何改進 Android Market。事源於在 Inside Social Apps 社交大會上有一名手機遊戲開發者向他抱怨，這名開發者更怨言：「Android 每天激活量達 30 萬部，為何仍是購買數量不如 iPhone 呢?」
就此一文筆者有個人見解，很多人常說 Apple 被 Android 打敗了，然後拿著一份巿場佔有率的報告滿心歡喜。但筆者卻只贊同一半，現階段 Google 只是獲得成功的首步，吸納用家人數當然是重要，但如何從這一班人的口袋裡賺錢才是企業最後的任務。
Apple 在此比 Google 高明，iOS 一個完整的生態系統，開發者、配件商、不少企業每天都自動送錢到 Apple 手中，用戶每天也樂意送錢給這班人去為自己的裝置增值，相反 Google 得到甚麼呢?
Google 為嬴取了巿場佔有率只懂拼命更新系統，沒錯系統的確越來越甜美令消費者欣賞，嬴了奬聲卻輸了錢，他們只收到手機商機海戰術中的一點點授權費，每個 Android 買機後有幾多人像 Apple 用家般繼續付費呢? 沒有!對企業本身的真正賺錢能力還是 Apple 高幾班。
買 Game?不要說笑了，造就 Android 用戶快速增長的平價入門級手機，很多人買來只是覺得比 feature phone 好用一點，閒時檢查 email 上上網就足夠，這種手機的容量 CPU 及電池量規格下你還能想他們安裝甚麼的 APP 或遊戲?用戶每買一個 app 都要想想自己的手機跑不跑的動?
要說 Android 把 Apple 打敗也許是將來事，現階段還是早了一點。所以 Google 應再投放更多的資源到 Android Market 上才是認真殺 Apple 的一著
分享到 :
最新影片
呢編就寫得唔錯啦
但有報導指~<—請問出處在那
thx!
http://www.androiddown.com/?p=2220
其實係Google自己一手做成的，
如果一開始就完全開放Market令到所有地區都買到Apps，
咁就唔會令到一班唔太識玩會比錢o既用家都走去DL開心版啦，
(識玩果班點搞都會用開心版的，正如用唉瘋都會JB左去用老番)
依家慣左唔比錢啦又係度怪人…
“平價入門級手機”是一個有趣的point, 慢, 的確係令人買app卻步
不過, 我又諗, 用android會唔會比較可以”麻煩”既用家呢?
對比apple, 真係有一大堆唔識電腦/怕煩既人用(救命, 我上次上3既維修中心, 隔離個女人, 連itune backup都唔識!!)or 俾得起錢既人用
俾錢登記話都冇咁易, 個十幾蚊又唔care, jb唻做咩?
其實android的確仍然唔夠多app
至少真係少好多game!
有用既apps大多都free既而且唔會好似ios的咁得試玩版, 玩耐d就要俾錢, android既apps大多都係加廣告版就算
咁咪俾你賣廣告lor, 有free版有咩所謂
再講, android真係唔夠多”唔識電腦/怕煩既人”
我有朋友講起自己用緊android機幾好, 佢話”我唔用window機既, 唔識用呀”
android…某d人已標籤左同window一樣咁煩…
點解 Desktop browser 睇呢度唔見 D tags 既?
http://lalaf.com/ihkg/uploads/1296029608.jpg
Android[用家]正廢柴
有d人係鐘意liu交嗌
我都唔明Android用家點解咁討厭IOS,
亦唔明iPhone用家點解咁討厭Android?
有咩好爭？！
為咗一部電話搞到大家都唔開心！
非常同意。
其實iOS同Androird正正畀到唔同嘅選擇大家，各勝擅長，各取所需，為何硬係要批評別家的用家？如果世界得一個OS，大家會開心啲咩？成日都以單一角度去批評另一個OS的功能，根本無意思。
Android d機叫人點買app？款又多config又唔同，買左都唔知玩唔玩到，唔通要d開發者list哂support乜野機？根本就冇可能。家陣人地iphone就好似個個ja住同一部機，夠統一。而家比人個感覺就係個個都ja住唔同嘅android機，仲要款式多到嘔，d人都唔知買乜app好，求求其當係一部唔同款嘅手機。＂因為iphone貴，d人話唔買ip，就梗係揀android機啦。＂個個ja住部psp，你就ja住pub,psd,bsb,Pps,psg…etc, 你唔R頭有鬼，仲想呢班人買app，發夢！
款式多就唔知用咩apps好?
咪一樣係咁用, 個os大家都係android, 一樣都用到d apps…
最多係有d apps只support 2.x以上…
有d好慘重用緊1.x既用唔到je
另外, iphone貴? 似乎你無視左一班用android高階機既人…
似乎你唔太了解android這系統
而的確, 我唔係為左d game而用android這系統
實用的apps, 我相信ios有的, android亦有…
簡單d講，好多android用家，都唔係為左d app 而買android機…..你估apple真係咁冇創意，代代iphone都差唔多樣？家陣成班友仔輸左都唔知點解…..
另外, 其實下面有位ching講得好arm…
“android用家心諗個os係免費開放，支持免費開放好正義，又點會好願意俾錢買app?”
我的確係e個心態
相信軟件開發商要賺錢, 主要都係從廣告途徑
GOOGLE不是靠賣ANDROID搵錢GA，各位。
你放心, 同 Google 有一日佔有大部份手機市埸 (Feature Phone inclusive), 到時到 Google 唔賺錢都唔得. 講真, 我係 Google 我都會先搞好 OS 先理錢銀.
當
Google不是硬件制造商，android既存在係確保有平台提供比google既服務不會被阻擋。只要有人用google既服務，佢既主要客戶就會繼續幫親，所以，android不需要太好，只要保持競爭力就得。
google自己都話收講android係最成功既決定。最近一季財報話android出奇咁賺錢。授權費應該唔只所謂”一點點”。android機海又可以保住google個mobile search engine市場。
硬件商有錢賺，例如motorola可以靠android起死回生。samsung都賺到笑。android又改得快，週期短過ios，可以出更多新機。
android用家心諗個os係免費開放，支持免費開放好正義，又點會好願意俾錢買app? 成個生態似乎得軟件開發商最難生存…
但係之後android用家可能會發現自己無新app，正義google出新version又唔support舊機，賣部野出去二手機又唔值錢…
呢篇咁中肯咪幾好
事先申報，我是 Android 的支持者。我不打算在這裡引起罵戰，不過我真的很想分享一下我的想法。
首先，誰勝誰負其實是完全沒有意思。在今時今日的局面，其實是雙贏的。再者，無論 iPhone 和 Android 都有它的歷史地位。
iPhone 不用多說了，它是第一部將 smart phone 這個概念無限擴大的電話，亦是第一部令人們知道電話功能可以這麼強大的東西。它改變了世界，改變了人們的生活。沒有 iPhone 不會有今日的世界，更不會有 Android。
至於 Android，我認它不只是人有我有心態下產生來搶佔 smart phone 這塊餅而誕生的產品。iPhone 表面上是很強大，很華麗，但它一定不是完美。沒有東西是完美，iPhone 不例外，Android 也不例外。我不認為兩者之間任何一方有本事專美。「有競爭才有進步」這個定律是永遠不會錯的。Android 未普及前 iPhone 的地位無人能及，但回想一下初代 iPhone 的功能其實是頗不足的：沒有Copy & Paste，沒有背景作業等等…作為一部將自己定位為不止是一部電話的新世代 smart phone，這未免有點不太說得過去。我和朋友常打趣說 SJ 魅力值好高，一些本來理所當然的東西一經他金口一說竟變了似是世上最強大的功能（笑）…不過用家們照舊一邊罵一邊買一邊用一邊炫燿，原因很簡單，因為是同類中唯一的選擇。個人認為 SJ 領導下的蘋果太專制，他們不太會花時間開發大家都有的功能，反而要人們照自己的一套去做。所以當所有 MP3 機都可以透過 USB 抄歌的年代，用 iPod 的一定要使用 iTunes，還只可以 pair up 一部電腦。結果因為 iPod 的普及，人們似乎都接受了這一套了，本來被喝倒啋的又變得理所當然。Andorid 的歷史意義正是為市場帶來選擇。
自古以來消費者要的就是選擇，你看有多少 Android 使用者是不屑 iPhone 的 ______（請自行填上）而加入 Android 的大家庭？我敢說 Android 的成功有一大部分是因為它為這個原本被蘋果控制的市場提供了不同的選擇。Android 有太多不同規格手機沒有方向增加開發難度？我認為這同時也切合了不同層面使用者的需要，降低了 smart phone 的使用門檻，也為大家提供了選擇（就是我有錢也不一定要買最貴最強的嘛）。或許一些型號是不切實際，但其存在不是沒有意義，起碼它們證明了人們需要些甚麼。這正是「一將功成萬骨祜」的道理。Android 巧妙地以開放式平台的姿態吸引了各大手機廠商合作對抗 iPhone 的獨裁，讓人們知道 smart phone 和 iPhone 兩者不是對等。
論兩者的型勢，我不相信短期內任何一方會把另一方打敗，畢竟這個市場還有急速發展中。Smart phone 的生能系統只會更趨完善。
當然，作為任何一方的擁躉見「敵方」出現弱點可攻，又或者當「己方」出現優勢時努力吹擂是無可口非的。這都是兩個陣型之間的自我宣傳策略。不過，純粹個人感覺，我看了 Unwire.HK 一陣子，隱約覺得這裡的報導角度是總有點偏向 iOS 的。作為一個媒體有立場不是問題，不過如果能夠提供更中肯的報導大概可以吸納更多讀者。
P.S. 作為 Android 的支持者，請容許我最後為 Android 辯護原文中的幾點
1. 賺錢及 Market 云云。我不認為 Market 是唯一讓開發商（及 Google）賺錢的途徑。老實說，我認為廣告才是 Android app 的金礦。以 Angry Birds 為例，含廣告版本就為開發商每月帶來過百萬美元的收入。稍後還可能推出付費除廣告版再賺一筆… 至於 Google 嘛，正如上面幾乎所說，Android 對於 Google 的最大意義不是直接收益，而是一個整合其他服務（如廣告）的平台。
2. Game云云。誰說一定要 Infinity blade 級數的才是好 Game？一隻成功 game 的最重要的始終還是遊戲性。想想 iPhone 上最流行最多人玩遊戲的是甚麼？拋紙球、推銀機、Angry Birds…都不是必須強勁規格才能玩的遊戲。又反觀一下 iPhone 4 上的遊戲代表作 Infinity blade，在大家讚嘆完華麗的畫面後，又有多少人還在”19 years later”啊？（笑）
Unwire 報告偏向 Apple 其實已係一個公開的秘密
或許你是對的… 就像這一篇明顯是在比較兩個平台的文章，分類只有「Apple」和「獨立評論」, 偏偏沒有「Android」…
連分類也歧視了，那綠色的機械人不是真的那麼討筆者的厭吧… 囧
[嬴了奬聲卻輸了錢]
google 輸了錢 ? 推出 android 後市值下降 ? 公司益利因 adnroid 下降 ? 請問筆者有數據 ?
若然只講買 apps 多少來看, 不用什麼數據我也相信會是 iOS 佔優, 一來大多 Apps 較平, 而來用得 iPhone 就有一個無形的心理問題 : 買得五千元的手機, 無理由不買數百元的配件. 那麼就不用說只用 10 元 8 塊來買 Apps, 相反買 Android 手機的用家就好少會出現類似情 ( 以小弟認識的朋友來講 ), 他們更喜歡思相那配件 ( 唔多唔靚 ? ), Apps 是否值得購買 ( 貴 ? )
個人唻講, 即使我用緊迎近五千元既android手機…
亦都比較唔會好似iphone咁鍾情換殼之類的配件
其一係配件比較少花款啦
其二係我已經俾左差唔多五千出唻買, 重要我俾多百幾二百買個殼?
iphone apps 較平係真的
十幾蚊apps都俾得起, 但相對android的, android app實在比較貴…
我好認同你既講法
之前一直對於手機附件嘅價格好敏感，貴少少都唔會賣
但有左iphone之後，五百幾蚊一個機套都買得落
“很多人買來只是覺得比 feature phone 好用一點” 但我覺得這部比feature phone好用一點的手機比iphone更好用. 可憐的iphone還在要jailbreak來用的功能, android不用root機已能用得到.
Android不root機，可可不用駁電腦，直接擷圖?
可以