好耐無同各位見面喇，近排火氣收左無咁多野爆，不過今日有d野真係要不吐不快！繼炒賣 iPhone4/iPad 後又到最新的 Macbook Air喇! 原來上面內地有錢佬好鍾意呢部機，香港班水貨佬又點會放過機會？一於總動員上網訂之餘仲去掃清全旺角有得賣 MBA 舖頭的現貨，串哥自己做零售所以知道第一批貨其實得好少量，第二批大貨要 11 月中先返，當然各位可以網上買到啦，不過好多客鍾意用信用咭去舖做分期，同埋係舖買部機有咩機都有人同你 follow up 下，呢班客仔就慘喇，迫住要上網訂機唔係下一批大貨又要同水貨佬鬥快掃貨喇。唔知遲下會唔會出現 10k 收一部 11″ MBA 呢?
