iPhone 作為一台經常「拿出拿入」的電話，跟身肯定無可厚非。但大家如果與朋友出外飲酒食飯，萬一飲醉了，你就要小心了！因為只要你的朋友想歪了，你的 iPhone 內的連結資料隨時超易外洩！外國不少網站已報導了此一消息，即使閣下輸入了多長多看似安全的密碼，也是無補於事！Unwire.hk 本著求證精神，即時測試了一下手中的 iPhone 4（作業系統：iOS 4.1）有否此情況，現在就為大家報導一下！
這台就是看似加入了密碼加密的 iPhone 4。當大家以為十分安全嗎？只要對方按一下「緊急電話」……
再隨便輸入一堆數字，然後點選通話鍵，然後很快按下 iPhone 的屏幕開關鍵……
神奇的情況就發生了！你的 iPhone 不但沒有被鎖，反而進入了打電話介面！
當然，如果只是「打電話」介面，朋友可用作致電其他朋友求助，幫忙將爛醉如泥的你抬回家，那自然是好事，但如果連點選「聯絡資訊」，也可以看盡你的所有朋友的電話及個人資料的時候……
甚至連你的通話紀錄也是一覽無遺！那麼你的私隱就真是完全曝露於空氣中了！！！
更重要的是，對方偷窺所有資料後，只要隨便撥打一個電話，再即時點選掛線鍵，就可以讓 iPhone 重回輸入密碼的屏幕鎖定介面，完全是「毀屍滅跡」無證據可尋！
總結：還是那句－小心！小心！小心！
從此測試，可以看到 iPhone 的私隱防護確實是差得可以，無須安裝任何軟件或以任何方法破解，只要點按幾個按鍵，你手機內的聯絡人資訊就完全無所遁形了！幸好情況還沒糟糕至連手機內的所有資料也能瀏覽得到，但萬一駭客得悉此漏洞，再從中開發出破解辦法，那麼你的 iPhone 就完全變得「不設防」了！更甚的是，外國網站測試過，連 iPhone 3G 及 3GS 也不能倖免！所以在 Apple 仍未推出堵塞漏洞的補丁前，還是那句老調兒：大家自求多福吧！小心…小心…小心…
** 想緊貼更多 Apple 資訊的話，請到 <facebook.unwire.hk >的專頁內頭頂按「讚好」加入我們，每天就會收到最新的免費資訊了，一定不會錯過! **
分享到 :
最新影片
點叫然後很快按下 iPhone 的屏幕開關鍵？？
因為我跟住試都唔可以入contant list
即係按左通話鍵(屏幕上綠色的按鍵)之後,再在2秒內按下機頂既開關鍵(實體按鍵,位於機頂右方位置)
我試到呀~~~
雖然入到去之後睇O野的時間都係一陣.
之後會跳返出去…
不過只要重覆咁做就可以慢慢睇曬所有的o野…
真係有尐問題喎~~~~
it can surely access your photo album as well, think about if you can access contacts -> edit photo -> choose from album then your entire album is opened!
right, one more problem is found. thanks for your information!
呢件事一直都存在 !
iphone3G剛上市時候已經試過呢個情況 !
我部iphone 4 ios 4.1 …
試左好多次都唔得
會唔會係按左通話後太快按開關鍵? 試下隔1秒先再按, 應該可以按到出來的. 我的 iPhone 也是 iPhone 4 iOS 4.1, 我試到應該大家都試到的.
同埋再重申一次, 我貼呢個 post 出來, 都係希望大家知道呢個漏洞後小心D, 唔好咁易俾部手機俾人, 因為即使 lock 了也不等於安全的.
以為係乜野開心大發現, 呢個唔係漏洞
只係萬一你發生左咩意外, 執起你電話既人可以聯絡一D你認識既人
加上睇到你朋友既電話同相片, 對你本身有咩損失??? 多餘!
如果你朋友的電話、地址、電郵、出生日期、甚至其他個人資料也不是私隱, 那麼小弟就真的不知道甚麼才是私隱了. 沒錯, 對電話用家本身係無損失, 但你的朋友, 客戶, 甚至親人的資料, 就會曝露於公眾之中, 他們就會可能受到不必要的電話騷擾.
須知道, 好多公司販賣的私人資料, 也不外乎是這些個人資料, 包括以往發生過的八達通. 如果這些不是私隱, 為何大家又會認為八達通賣出去的又是私隱? 小弟愚昧實在不明白…
How do they steal info from your iPhone then? They have no way but use pen to write on a paper or by memorizing in the minds, it won’t lead to a big loss of private information but indeed is a problem.
they can easily use another iphone (or other photo-taking device) to take photos of your contact list….
and many OCR software can encode the photo image into txt file…
so, no need to use pen to jog down ar…
你地唔幫手宣傳就反而冇更多知
呢件事其實我地唔報, 一樣有人知道, 我地報導只係想大家都小心一點保管自己的手機, 以免你的朋友, 客戶, 親人的私隱資料外洩, 所以肯定是愈多人知道愈好吧!
同意..完全唔明點解你地要教人BUG咁無公德
我想說, 我們不是教人 bug, 只是想 raise out 件事, 讓大家更注重自己手機的保安.
如果說教人, 網上大把教學, engadget 那些大網亦有報導, 難道他們也在教人 bug 麼? 早陣子 one2free 傳出網站會洩漏用戶個人資料, 不少主流媒體亦有報導, 網上亦有片段清楚說如何找到這些資料, 難道又是教人 bug?
當然, 你可以照這樣做去找你朋友手機內的私隱資料, 但如果你的朋友也已知道這問題, 相信也不會讓你這麼容易做到吧! 所以我們只是提醒一眾 iPhone 用家, 而非教大家點去 bug 人地部機. 請注意!
所以我一向都唔鎖，財物一定要自己收好，蘋果連電郵獨立鎖都無，其他資料有乜重要
對, 我自己也是這樣處理, 手機永遠不會離身, 亦不會輕易借給別人使用.
Edward,看見你努力招架,但”信徒”者眾,此等程度的bug,在她們眼中,亦將會包容下去,但你作為傳媒工作者,我讚同你們去報導,有云”水能載舟,亦能覆舟”,只要報導中肯,何需怕被人說你不是.
感謝支持!
I tried many times, cannot break in wor, & now it showed out the phone will disable for 1 min. hahaaa
sorry should press 1 time or 2 time on the top right button?
just one time is enough
其實有好多電話連lock都冇啦！
點解又冇人叫那些用家小心私隱外洩呢？
好簡單，因為佢地冇iphone咁出名，批評佢地上唔到位！
其實應該這樣說, 無論使用甚麼電話, 也應該好好保護, 但對於智能手機, 由於可以讓用家輸入不少名稱與電話以外的其他個人資料, 例如: 地址、電郵、甚至出生日期或其他敏感資料, 所以更加應該小心.
上面的樓主說得很對, iPhone 的知名度, 在智能手機之中確實最高, 筆者只是舉出這個作一例子, 希望大家不要以為智能手機真的很「智能」, 尤其是在保安上. 因為筆者見過太多的朋友, 對於保護自己的 iPhone, 完全是沒有概念或危機感的.
但小弟再重申一次, 我們並非要批評 iPhone, 亦無須借此新聞上位, 只希望一眾讀者使用手機時小心一點 (尤其是本網似乎有不少也是 iPhone 的用家), 這樣就可以避免你的朋友, 親人或客戶受罪了.
3GS(iOS4.1)試極都試唔到
有無外國網站條link可以睇下?
多謝報導,以後真係要小心
睇完以上回應, 有d感觸, 人家報導一番好意, 係想提醒用家小心, 自己用負面角度去睇野, 就話人唔應報度會教壞人, 咁警訊係唔係應該唔播案件重演呢…….
Good…
講得好岩…
有錯既野唔報導出來…
是剥削大眾的知情權…
d 奴性重既人就當 iphone 係神…
不過係神棍既神….
批評既人唔該諗諗…
你去滾完, 比你老婆 check 你iphone, 知哂你同邊個去滾…
打去你條女 or 你 d fds 度…
咁仲唔係無哂私隱 ~
其實開得contact已經可以睇到好多野.
edit profile 可以睇到人地相簿.
share contact 可以用到人地email.
係啦, 唔講出唻等人詐唔知咪算囉.
部機洩乜出嚟都唔係問題, 無問題丫! 畀咗咁多錢最緊要型!
Can we report this to Apple such that they can do sth?
apple 一早知啦…
全世界都有報導…
你估 apple 要你講咩…
無人嘈 + 有咁多盲目信眾撐…
咪當唔知lor….
哈哈哈