我們收到了讀者平凡人的一篇投稿，由學生角度出發，談論為何自己選 Netbook 而棄 iPad。
各位 Unwire.hk 的朋友大家好，小弟 (筆名：平凡人) 第一次與大家見面。今天我希望以學生的身份談談 iPad 與 netbook的決擇。近來，有多個說法指出 iPad 將能取代 Netbook ，而我則希望在以下文章，以自身的電腦日常使用習慣，與大家一起分析 iPad 對於一名學生而言，為何還未可以取代 netbook。
學生在電腦做的東西離不開做功課，玩遊戲和玩網上討論區。以下我將會講述IPAD與netbook在做以上行為的可行性。
1. 就做功課方面，iPad 雖有劃時代的全觸控顯示屏，但因為沒有實體鍵盤的原因，做功課打字時令人感到非常不便，我不是說IPAD的虛擬鍵盤不好按，只是還不及netbook實體鍵盤的那麼有質感。（玩電腦的朋友一定能夠了解的）。
另外，iPad 有一個致命傷就是沒有繁體中文輸入法，對於我們習慣用Windows系統的人來說，Windows系統還是比較便利。
－iPad可行指數 ：★★★☆☆ －netbook可行指數 ：★★★★★
2. 就玩遊戲方面，蘋果說自己有很多不同種類的遊戲，但似乎所有的都只是小遊戲。學生們經常接觸的大型多人線上遊戲，未有廠商開發 iPad 版本，極其量只有如：WoW 的輔助程式，不能執行大型多人線上遊戲。由此看來，iPad根本不能與netbook相提並論。也許有些人會認為不能把責任推到蘋果身上，因為很多大型多人線上遊戲在像IPAD這麼微型的電腦也不能運行。
可是，iPad不能運行大型多人線上遊戲的原因，根本不在電腦性能問題，而是系統問題。很多大型多人線上遊戲公司因為種種問題，如成本問題，不能把遊戲移植到蘋果這個平台，令運行蘋果系統的iPad，無論性能如何，也註定與大型多人線上遊戲無緣。
反之，netbook雖不能運行全部大型多人線上遊戲，但至少大部分要求不高的主流線上遊戲，皆能在運行Windows系統的netbook上流暢運行。
－iPad可行指數 ：★☆☆☆☆ －netbook可行指數 ：★★★☆☆
3. 就網站應用方面，iPad 不支援Flash，以致不能執行很多 facebook上的 Flash Game，甚至連網上的影片也看不到。相反，採用Windows系統的電腦（netbook）在出廠時就能完全行得順暢，再加上IPAD沒有實體鍵盤，輸入文字的時候怎樣也不及netbook方便。
－iPad可行指數 ：★★★☆☆ －netbook可行指數 ：★★★★☆
老實說，iPad根本就不適合我們學生這類人，首先iPad不是比netbook輕很多，加上電腦的電量有六至七小時已經足夠我們上學時使用，netbook的電量就正正合適此條件。而最大的問題是iPad硬碟容量太小，比netbook少差不多十倍，相反價錢就比netbook貴大約一倍。在這樣的情況下，我暫時都不會考慮iPad。
在文章的尾聲，請容許我做一個簡單的自我介紹：
筆名：平凡人，今年17歲，學生一名，電腦初哥．．．．．．
分享到 :
最新影片
apple 的marketing 從來誇大其辭，
當真完全接收，沒有自行判斷就中了apple 的詛咒
我也想投稿 應該send去邊到???
Tablet pc 都不熱門ipad又點可以replace notebook, netbook ge地位呢？
d人買ipad係因為apple唔係為塊板ge功能
“而最大的問題是iPad硬碟容量太小，比netbook少差不多十倍”
係人都以為愈多便是愈好好~~ 基本上一個學生真真正正用於學習上的容量, 有16GB那麼多嗎?
說到底, 又係”娛樂”的問題吧~~
ipad的出現,不單新設計,說連所有缺點,都是apple計算好的
一切以apple利益為起點,逼使用家同競爭者去轉變
投稿人從來沒有用過iPad，就說iPad不適合學生使用，這樣不如寫Netbook如何適合學生使用更好，何必要提及iPad，現在文章只是投稿人的個人喜好，他個人不喜歡iPad，就不斷找理由去支持自己的個人喜好，個程中必然會忽視iPad的優點。
我自己也有借同學的來用過
iPad的優點對學生日常方面作用不大
就以平凡人的論點，如果他假設iPad/Netbook就是他唯一的電腦吧。選用Netbook是無可厚非。但iPad的定位應該是家庭／手提電腦外的另一隨身裝置。
如果只能負擔一部電腦，為何不購買真正的Notebook呢？我相信 3000－4000元，已經有效能不錯的Notebook吧
我由 iPad 一出即買, 用到今日! 由好好玩, 到而家變成一部 “床頭書”! 即是臨瞓之前睇睇 iBook 同上上網!
投稿人已表明是一個學生, 想問問 “HDTV”, 如果用 iPad 想交一份 Excel 功課, 點交? 如果你答: iPad 有 “iWorks – Numbers” 個 App, 咁只證明你根本是無知!
內容大致理解, 但wisdows 究竟是什麼來的?
不能同意太多，iPad 的prigr
I can share all of your viewpoints. I have no doubt that iPad is not a perfect electronic product and in another word which is “deficient” because it comprises many “mission impossible” such as “Chinese input”, “Hardware Limitation”, and “Software Support”. However, iPad made a stunning image that it changed our concept of computer. And the most important change is that all of us would like to accept and use this fancy concept in the future. This is because we don’t know what an electronic consumption will be evolved and we actually need on the coming days. All of all, I prefer using netbook, notebook, and even a desktop with 22 inches monitor but what is more is that I am eager to see a lovely and practical iPad in the soon future.
其實將橙同蘋果來比較, 是否適合呢?
Netbook 同iPad都係唔同性質, 定位不同0既產品,
iPad 講求方便,反應快,開機/熄機都係十幾秒),
Netbook傾向實用,大件夾抵食,用windows咩都行到,不過表現(performance)另計.
如果要iPad適合香港學生使用, 我諗要本地教科書出版社/Developer要更多努力先可以做到.
我都係學生，不過我會揀iPad棄netbook
原因為何?
iPAD可能做功課或日常工作可能唔岩，但已開始改變人們用電腦的生活方式。而且對Windows那種要經常做裝antivirus、移除UAV、改registry等維護修護的工作已感厭倦。Apple那種不用維修電腦的工作下，不得不承認係比較好。這樣子那就花時間去做真正的電腦工作了．．．
雖然iPAD未能像netbook一樣那樣方便打字做文書工作功課，但總是一個好開始。
我現在沒有iPAD，但已受夠microsoft那種氣．．．
我又係學生, 對於我們習慣用Windows系統的人來說，Windows系統還是比較便利。習慣左用Windows十年八載啦，中毒太深啦. 其實講乜野notebook,iPad定講windows? Notebook可以係Linux可以係Mac…唔關notebook同ipad事啦，習慣用Windows唔想轉又唔敢轉呀，考慮甘多做乜，我自己好唔明羅?
其實IPad又真好想要，真係好想要，不過又唔係行Windows, 差就差在呢度，唉，好想買但無Windows版，我耍同自己搵幾個原因去令自己好想買Ipad又買唔到覺得理所當然又心安理得先至得.
最慘係買左ipad就無錢買notebook, 做功課可以問人借機，打WOW就唔得啦，一打打成日架麻，如果可以買左iPad重有錢買notebook, 實即刻入番部，你都係甘諗呀呵.
原來有得投上呢度，比你快一步，我諗出黎安慰自己既Points同你差唔多呀。
講真
如果我有多餘錢
我都會買多部notebook算
因為ipad真係唔岩學生用
隨便問同學借來玩玩就可以作評價，Unwire徵稿的要求還真寬鬆
對一個學生來說
選擇iPad或Netbook著眼點不是應該從軟件方面著手嗎？
先逐一回應作者的對iPad的「指控 」
1.iPad可以連線藍芽鍵盤，雖然暫時沒繁中輸入，但不過想必一個17歲學生應該更常到英文，也應該更多接觸英文吧。
2.玩遊戲嘛，iPad上有很多適合學生的益智遊戲，如Scrabble、Crossword、Charadium等等，對學習英語非常有幫助。當然，你要買部Netbook為了隨時隨地玩WoW當然比較適合，但這是一個學生需要的嗎？
3.說到底Flash在上網時有什麼用？隨了看不到mvtvb.com，thisav.com和玩Facebook的Flash Game外，對學生來說一般上網瀏覽翻查資料，沒有Flash又有什麼影響呢？但有iPad的話，突然想翻一個生字，或是一些學術資料，不用3秒就可以開機，用Netbook的話，等到開到機可能你已經忘了想查什麼了。
4.iPad硬碟不足？這已經是雲端時代了。所有功課也可以透過Drop Box這類軟件儲存在網上，要那麼大的硬碟是用來存放線上遊戲，還是影片嗎？又是學生需要的東西？
既然是學生就該以學生的角度去選購合適的產品，沒有用過、對iPad的軟件群一無所知便說三道四說Netbook比較好，實在看得令人火大。 除了上文所提到的外，iPad還有數之不盡的學習軟件，對各料目、學外語都有很大幫助，重點是這些軟件比乏味的文章書籍有趣太多了，就算對讀書再沒有興趣也很難會產生抗拒。假如我有子女的話，一定會以iPad來「引誘」他們對學習提起興趣。
最後，以過來人身份，還是要告誡一下作者，讀書時期千萬不要染上玩網上遊戲的惡習，一旦沉迷想專心讀書也就難了。
1.接觸英文??
netbook可以用英文可以用繁中
ipad如果只能用英文對學生來說確實不利
尤其是你要做繁中作業的時候
2.玩遊戲??
ipad就是適合學生 windows就不適合??
你看你的說法就是有問題
3.flash確實對學生沒甚麼用
但單純就上網來說一個支援另一個不支援你要選哪個
4.資料當然可以存網上
但如果是功課硬碟碟一定要存一套,網路只是備分用
不然萬一上不了網要修改報告甚麼的你就瘋了
5.既然是學生就該以學生的角度去選購合適的產品
————————–
光看你這幾點就說服不了學生了
4.資料當然可以存網上
但如果是功課硬碟碟一定要存一套,網路只是備分用
不然萬一上不了網要修改報告甚麼的你就瘋了
—->非常同意
睇到 “另一個平凡人” 既回應, 我可以好簡單總結一下:
1. 無繁中輸入? 就一就啦!
2. 玩遊戲? 玩 Scrabble、Crossword、Charadium 等! 就一就啦!
3. 用唔到 flash? Flash 無用架! 就一就啦!
4. iPad 硬碟不足? 就一就啦!
總之做得 Apple 粉絲, 萬大事就一就啦!
就一就?
冇需要咁做,你覺得一件產品滿足唔到你0既需要,你可以唔買佢.
r u serious or m i 2 serious?
“就一就” is a joke!
thisav.com…………..errrr
買完唔會令你以後乞食嘅咪買囉。
駁唻都多餘。
撈埋一齊造瀨屎牛丸丫笨！
小弟同時用Mac同Windows十年，得到以下結論，買完Apple野你一定吾會後悔，只少過三五年你都吾想放棄左佢，其他windows機就算之前機件幾勁都好快一日會吾想要（可能我對外表要求高啦）。講真，你做功課同打機就正正經買部枱機啦.
學生需要的是 Desktop 級的 Notebook，不是 Netbook/Tablet…
所以 iPad / Netbook 都不應該考慮
我自大學起轉用 PowerBook / MacBook Pro…
我不是說NETBOOK是必需
但是如果相比IPAD
netbook較優勝
請問一部 MacBook Pro 可以買多少部 netbook. 想必閣下一定是無憂米之人。
那一部netbook0既config可以同macbook pro 比較呢?
錢多就係錢多…我輸了
市民需要的就是法拉利級的跑車，不是 Honda/Toyota…
所以 Volkswagen / Honda 都不應該考慮
我自有牌起轉用 Porsche / Aston Martin….
學生要用電腦做功課，上網，打機！
netbook效能唔夠用，要雙核+獨立display先夠用。
iPad 只係方便上網做d輕巧野，睇下相同片，流動性強。
突然想上網查下資料，check下email,facebook,極為方便。
netbook 的quick web也很方便
呢度係apple的地頭, 學生哥你夠膽話IPAD唔好用要用netbook, 真係唔怕俾人鬧到上天花板. 學之前iphone 4的道理, netbook 部部都係垃圾, ipad 雖然有使用上的缺失,例如唔支持flash,上多圖片的網站(用過的體現,我用來上影相的網站.)不是全部圖可以顯示.
但你要知道 ipad is not perfect, we are not perfect.
你要買就買,唔買死開. 咪阻住我 APPLE 統治地球.
可見你非常極端…
唉,年輕人,睇來你有D唔明我意思,其實我撐你的.但呢度你唔係成日來所以唔知,總之呢度唔可講APPLE壞話,一講就會俾人鬧,個個都俾人洗腦.
認同
and
多謝支持…
幾位windows fans,你地都離哂題！
你地有無用過Mac機？
用過你就知道，點解d人做哂apple fans!
買部windows返梨又要download(唔知正版定反版),左裝右裝先用得。
Mac一買返梨，內置程式已有齊，又唔會hang機，又唔洗成日重裝。
windows機，等多過用。
㫠系統梨架？
好野係人都想要，好fans咩！
其實兩樣野定位都唔同，一部係e-book，一部係電腦，好難比較
本身我都同作者一樣,覺得ipad好廢,唔知有乜用
因緣際會下人地送左部ipad比我
本住一試無妨ge心態玩下…發現ipad其實幾好用,好user-friendly
我知我說服唔到你,不過百貨應百客.
我覺得平凡人其實主要目的都是打機，做功課其次，如果要滿足需要根本就不會選IPAD 或者NETBOOK，你應該正正經經買部NOTEBOOK 或者砌部電腦，我看完個POST之後有感而發，IPAD 根本不適合做功課，你做完點交俾老師？而玩GAME也不會用NETBOOK，因為慢到根本玩唔到，到時又身痕想換機。
與其選擇兩部不適合你的產品，不如砌部電腦合自己用，無謂浪費父母金錢，又浪費我們答POST的時間。
利益伸報：我無買IPAD，之前用過NETBOOK，頂唔順，而家用緊MACBOOK
想問這裡的Mac用家，知不知Win7從Standby開機需要多久？
從standby開機? standby緊,唔係已經開左機咩!
重要幾耐先真正開到機呀?
教教我!
APPLE的思維……改變世界,改變一切
買家思維…………..實用/啱用. 實用 不= 啱用,啱用 不= 實用
認為實用咪買囉,唔實用咪唔買囉,啱用咪買,不啱用咪唔買
將不同類型嘅產品比較,對雙方都唔公道,什麼環境用什麼產品,返學著皮鞋定運動鞋?
短時間300萬台的銷售量,當中有幾人沒有電腦?
若非幾十年前的家庭主婦的大膽,勇於嘗試,今日咪繼續透爐煮飯
其實每件產品都不能完美，有好有唔好，就算做到，製作商為商業持續穩定性都唔會咁做，但每件產品推出時都有一個市場定位同目標客戶群。
IPAD同MICRO 4／3一樣，係一種新的市場產品
而家一般開會的人最大問題係有好大需求隨時上網開WORDS， POWERPOINT；或一班愛上網，愛睇EBOOKS的人(未算普及，但大勢所趨如網上報紙一樣）
但市面上NETBOOK的流動性，方便性未能為以上需求帶來滿足。
（Tony Bradley，April 08, 2010 ， iPad Marketing 101﹣Practical IT insight
http://www.pcworld.com/businesscenter/article/193809/ipad_marketing_101_all_business_professionals_are_consumers.html）
所以強行將NETBOOK市場優勢放在不同市場定位的IPAD度，或反之，根本係冇意思。同強行話印度菜和中國菜誰較好一樣傻。要比較，係要用相同定位的平板電腦做比較吧
我並沒有強行說印度菜和中國菜誰較好
只是說在某情況下,誰較好
正如在口渴時
水較食物優勝
那麼在你角度而言，NETBOOK係你所好
但每人都有不同需求，
想說的係學生也有很多種，當大家需求為快速上網和PRESENT時，IPAD便較有用；打字時則以傳統式較好
當然，中學生的話我個人感覺不要有IPAD吧，自制力低的，很易有網癮而疏於學習。
總不能以偏概全地說學生就會用NETBOOK較適合吧
正如在口渴時
水較食物優勝>
洗Q你講
重申:
我只是說netbook在以上情況較ipad優勝
並不代表ipad比netbook差
iPad 既功能根本同 iPhone 重疊，而且佢又冇電話又冇相機功能，
只係加大mon既ipod touch,完全係多舊魚既產品。
我只會買iPhone + Notebook用，因為兩者可互補不足。
你有冇真正試過?
如果係iPod touch 放大版,咁點解出面d賣iPad鋪頭咁多人圍住iPad梨做咩?
iPod touch而架先係第一日出呀?
iPad 既功能根本同 iPhone 重疊=>
呢一個point已經講明你未認真用/試過iPad……
你有冇試過用iBook睇書,iPod Touch / iPad 我都有,
屋企人用過佢地都prefer用iPad睇書,雖然iPod Touch 都有iBook,大家功能一樣, 但在使用上iPad始終比較得心應手, 又或者你比較少接觸中年/老年人,對佢地0黎講iPod Touch 始終字0既係比較細.雖然只係畫面大左,但係呢個轉變唔係只有畫面大左咁簡單.
我有0的同事佢地開始步入中年,開始有老花,平時放工返屋企已經唔願接觸電腦,除左係唔想之外,字0既大細係佢地關注0既,我俾佢地試0下用iPad,佢地即時0既反應係,0的字好清好大, 睇得好舒服.
平時將iPad放0係屋企又可以做電子相架,如果用埋iPad Camera Connection Kit, 仲可以過相…..
有一樣0野暫時係相反0既, 就係我唔會拎部iPad出街聽歌,呢樣iPad唔係唔得,不過真係用iPod Touch/Nano/iPhone比較方便lor
想知Mac機同win7開機差幾逵,睇下就知.
http://www.youtube.com/watch?v=fG3BRmwDdso
根本不能比較…
1. MACBOOK CPU較ATOM快
2. 在做功課，玩遊戲和玩網上討論區這三個情況,開機速度不是重點
How about Ubuntu? I thought Ubuntu boot up is pretty fast, and the most important thing Ubuntu is a free OS. This is good enough for a student use at school time on his netbook.
同學, 依家$3XXX 唧netbook 邊部可以用 “六至七小時” 呀, 唔係”待機”WO
一般 NETBOOK 一係 3 cell 電, 一係6 cell 電….
6 cell 電都係用得3-4小時
如果IPAD 同 NETBOOK 比, 基本上 2樣野黎,
Netbook 行 window, IPAD 行 IPHONE 個 OS (而唔係 MAC OS)
IPAD 係 方便人出街 上下網, CHEC大EMAIL, 睇 相, 同IPHONE IPOD TOUCH 最唔同係可以入相同 有IWORK
至於 NETBOOK 就係方便D人 帶出街做文書處理, 多數人都會用OFFICE 黎做, NETBOOK 可以話比D 唔想帶NOTEBOOK 去做野唧人唧另一選擇… 但NOTEBOOK 始終快過NETBOOK, 所以要開D PHOTOSHOP 果D PROGRAM 都係要用返NOTEBOOK
我都係學生, 我返學做PROJECT就會用NETBOOK OR NOTEBOOK (個MON大D) , 出街OR 平時返學就會帶IPAD ,
但NETBOOK 係實用D, 但IPAD 有佢唧娛樂性!
另外, 如果用開MACBOOK 同 IWORK, 你會鍾意IPAD 多D 一定! XD
(只係分享我唧意見ˆˆˆ)
同意
但係如果在
做功課，玩遊戲和玩網上討論區
這3個情況下
NETBOOK會較好
原來學生買Netbook係為左做功課，玩遊戲同玩網上討論區。
人地買Netbook係為左做功課，玩遊戲同玩網上討論區，有問題嗎？唔可以嗎？要你同意？
好酸呀~~
而架d學生連比較產品都冇做功課!你用電腦究竟做咩功課?
例如?
你講到用電腦做功課咁重要,淨係見你成晚岀post, 咁你幾時先用電腦做功課
出得post多,部電腦好易壞,到時又話部機又慢又易壞,跟住大條道理要換機.
我識好多人d仔女好多都係咁,幾時見過佢地用電腦present佪project睇過呀!
正在放暑假中…
如果個個人都只睇表面去評價某人或某事,唔從多角度多方面查証,你永遠只有埋怨自己點解做極都唔夠人好.
我並沒有盲目評價
而是有一定的先決條件
敢問你用iPad幾多時間？試過幾多iPad軟件？
我用了iPad超過兩個月，依然每日都會發現有新的有趣、實用軟件
你憑乜話你唔盲目評價？有乜野先決條件？
做功課，玩遊戲和玩網上討論區
先决條件、咪而架比多d心機讀好d書、將來揾到錢,咪全部買哂返梨、慢慢評價!
真可笑
連iPad有乜軟件，D軟件有乜用，可以點應用都完全唔知
重講乜野同Netbook點抉擇？
我可以隨便舉出20個以上對學生非常有用，但在Windows上用並唔方便，甚至完全唔存在o既軟件
敢問平凡人或者支持平凡人的回應者，你對iPad同iPad軟件的認識到底有幾深？
如果自問認識唔深，請收聲吧，你地所講o既野毫無說服力可言。
差不多60個回應，大部份又係例牌地插iPad冇繁中輸入、冇Flash睇，什麼放大版iPod Touch
永遠只係識得講iPad有乜缺點，但同時對iPad優點有所知有限
咁樣o既比較到底有乜意思？
放大版iPod Touch？你有冇在10吋螢幕的iPad上用過針對iPad設計的專用軟件？
未用過的話，還是那一句，收聲吧。
講到尾，重點唔係問iPad有乜用，而係你用唔用得著iPad。
唔認識iPad又唔想認識iPad的話，請回去用你地覺得好好用、好滿意的Netbook。
iPad甚至可以俾餐廳用來點菜，只要有軟件配合，用途可以超乎你想像。
正因為好多人對iPad軟件認識有限，自然很難想像到iPad到底有什麼用
並唔係唔俾人批評，但唔該，唔該真係好好用一段時間再俾Comment。
當然，你要堅持用Netbook無人會反對。
(先假設該學生已經有電腦，我才會建議考慮購買iPad，以作為學習上的輛助工具。假如連電腦也沒有，乖乖地買一部電腦吧。)
先假設該學生已經有電腦，我才會建議考慮購買iPad，以作為學習上的輛助工具。假如連電腦也沒有，乖乖地買一部電腦吧。
—–>還是netbook較為實用
對極，你快去買Netbook吧。
不如你詳細舉出
—-20個以上對學生非常有用，但在Windows上用並唔方便，甚至完全唔存在o既軟件
你連思考都冇、考試叫亞sir 講埋答案比你聽.
在你的知識水平,netbook 啱你,go go
其實你是否不明白甚麼是電腦，甚麼是netbook?
其實你的文章最大問題係觀點上錯誤
因為我係的原文發現你說“IPAD仍未能取代NETBOOK”
但之前我己表達了，就係市場上不只一定是固有的產品，可以有新產品去衝擊新的市場
正如NETBOOK一開始推出時很多人說不能取代NOTEBOOK，但到最後大家都發現各有其生存空間。
IPAD， NETBOOK亦如是
不是你的觀點有錯，亦有你的道理，但請打文章時留意閣下最終想表達的觀點吧！
IPAD仍未能取代NETBOOK”這句根本不能爭論
市場上沒有什麼產品可以完全取代另一產品的
只能說NETBOOK生存空間又少了會更好吧～
先搞清楚，而家係你認為iPad不及Netbook實用
我沒必要教精你iPad有乜軟件好用吧？
回你純粹只係一睇就知你冇認真玩過iPad
既然你覺得Netbook好用就去買，但出文批評iPad前請先做下功課，咪咁容易就露底。
就舉一個例子。
搭緊車時你突然需要計數。
1. iPad有個計數機App旁邊可以俾你做筆記。在iPad上用唔駛3秒可以打開，一邊計數可以一邊在旁邊手寫note Mark低算式或答案。
2. 用Netbook的話，等幾分鐘開機，然後打開Windows的計數機再用Mouse慢慢襟(冇number Pad)，再打開記事簿打字Mark低。
3.拎部實體計數機出黎，再要搵紙同筆。
硬件係死，軟件係生。iPad也好，Netbook也好，都係解決問題的Solution。
重點始終係點去搵軟件去幫你做野。
Netbook唔係唔好，只係有更多軟件的iPad有更多可能性。
留意
我並沒有批評iPad
要我逐一列出嗎？
「iPad 雖有劃時代的全觸控顯示屏，但因為沒有實體鍵盤的原因，做功課打字時令人感到非常不便」<<你知道iPad可以外接鍵盤？
「iPad根本就不適合我們學生這類人」<<你知道iPad有幾多適合學生用的軟件嗎？
「(遊戲方面)iPad根本不能與netbook相提並論」<<你知道iPad有非常多適合學生學習的遊戲嗎？
不想再舉了，太沒意思。
其實我最驚訝是Unwire竟然會俾你篇文出街，甚至連Comment都懶得比。
想請問 “另一個平凡人” 幾個簡單問題:
1. 如果你睇到一個網頁好精彩, 想 capture 張相, 連埋條 link 放上學校個 Intranet 同同學間分享, 要點做?
2. 有個同學, 將 presentation 段 video 放左係條 USB 手指, 叫你抄番去 edit 完放上 Youtube, 又可以點做?
3. 老師叫大家做完 “市場分析” 個報告, 再用 Excel 格式交功課, 又可以點做?
4. 一個 17 歲學生, 有幾多個朋友或同學之間用英文玩 MSN ?
5. 用 iPad 點玩 BT ?
多謝你先!
重話大學生、成日要BT梨做咩？你亞sir 有冇教咩叫’資識產權’?呀大學生.
I am not sure about Kenny’s intention on using BT. But you just can’t said that BT is related to bleachings of IP.
1. 呢個年代，要分享Link就Facebook啦…..
2. 雲端應用咁普及，USB手指真係好落後了。如果真係一班同學做野，工作放雲端Storage，大家隨時Access到個File至最方便做野。
3.iPad都有好多軟件可以Edit Excel擋案的，唔好以為只有Numbers。
4,5：MSN、BT呢D同學生應用無乜相關o既野就不多講喇，再者，邊會有學生有iPad但係冇電腦？
請 “另一個平凡人” 正面回答我的問題! iPad 做唔到就做唔到, 而唔好帶我游花園!
1. 我講明要 capture 一張相, 再放上學校 intranet 分享, 同 Facebook 有關咩? 唔通將學校個 intranet 改上 Facebook 去就 iPad?
2. 一段 Video 有 6GB, 你搵一個免費 “雲端Storage” 俾我, 而又可以隨時左抄右抄, 唔使慢慢上網 download 俾我睇下? 又假設你有免費 “雲端Storage”, 咁 download 一個 6GB 檔案要幾耐? 你部 iPad 可以放幾多個 6GB 檔案?
3. 請清楚指出iPad有邊個軟件可以Edit Excel擋案, 再 output 番 Excel format 的?
4. MSN & BT 同學生無關? 你講笑定講真?
5. 邊會有學生有iPad但係冇電腦？ 筆者個主題講到明 “iPad 與 Netbook 的決擇”! 即是只可二選一! 你原來唔睇真人講咩就死撐 iPad 架?
你講到咁，其實已經係打橫黎講….
1. 如果你睇到一個網頁好精彩, 想 capture 張相, 連埋條 link 放上學校個 Intranet 同同學間分享, 要點做?
應該做到
2. 有個同學, 將 presentation 段 video 放左係條 USB 手指, 叫你抄番去 edit 完放上 Youtube, 又可以點做?
你呢個case太specific喇，似係度身為iPad現在未能做到而寫咁
3. 老師叫大家做完 “市場分析” 個報告, 再用 Excel 格式交功課, 又可以點做?
用google doc, google spreadsheet, 乜真係好難咩？
4. 一個 17 歲學生, 有幾多個朋友或同學之間用英文玩 MSN ?
拿，你唔識用英文就唔好叫其他人唔用….
5. 用 iPad 點玩 BT ?
點解要BT呢？
“Billyramiel” 兄,
先多謝你回覆!
1. 唔好講 “應該做到”! 你用過 iPad 應該知道 iPad 無得 multi-tasking! 你要開開關關幾多次 App 先做到? 你自己試完先講啦!
2. USB 手指有幾冷門? 有幾 “specific” 呀? 是旦俾個 USB device 你用 iPad 都企定定啦!
3. 用 google doc 同 google spreadsheet 嗎? 你又整個似樣少少既 “市場分析” 報告俾我睇? 唔通你連基本 “市場分析” 報告都未識?
4. Why not show us how good is your English and let’s communicate in English?
5. 你敢講你從未用過 BT, 亦以後唔會用 BT?
最後, 你咁撐 iPad, 你點解唔用 iPad 回文?
可悲！
自稱「學生」所寫的文章…
３點理據中，有２點都是為了「打機」，還說自己用「學生身份」寫稿。
你的學生生涯是打機的嗎？
希望你可以由「學生」改為「玩家」，唔好影衰我地香港學生。
年輕人,都話你一講APPLE PRODUCT 壞話,一定俾人圍插,試問呢度有邊個POST可以成70幾個回復啊. 去APPLE FORUM都未必有呢個情況啊.
總結幾點話IPAD好的論點啦,
第一,就是你未”深入”了解過IPAD,你有試過拆開過部IPAD睇咩,你有日日拿住IPAD來用咩,但作為消費者就係這樣,你會在買一樣PRODUCT前,試了幾個月先買????????件野俾我印象係咁,我覺得OK咪買LOR,我覺個其他野好D,咪買其他野LOR.
第二,就是你自己一個人唔買IPAD,唔代表全部學生的選擇,你要改TOPIC,要改做”平凡人IPAD與NETBOOK的決擇”.
第三, 如果你今次改為IPHONE 4 與 IPAD 的選擇, 我夠膽講,一定有人叫你兩樣都買, IPHONE 可以打電話, IPAD 個MON 夠大.總之APPLE 野,你唔買就係損失, APPLE出部雪櫃我都買啊. 總之全世界都要用APPLE 野.
其實越來越覺得UNWIRE呢度唔知搞乜, 作為USER,想講下自己的睇法都唔俾,你話一樣野差,一定俾人問,”你有認真用過咩?”, 講真,要我改變自己使用習慣去就一樣PRODUCT, 除非市面無其他PRODUCT,我諗我一定唔會咁做. D 人成日話有幾認識IPAD, 你又知唔知 STEVE JOBS 一早想到IPAD 呢件PRODUCT,但SJ 出IPHONE 先. 點解,就係因為IPHONE 作為MOBILE DEVICE, 細到你可以接受佢只用來上網(雖然都唔係所有網頁上到.). 但IPAD呢個SIZE 我覺得佢可以做多D野,至少真的像一部電腦吧. (可能遲D SJ 真的出部行MAC OS的IPAD,到時又話我唔要DO IT FIRST, 我要DO IT RIGHT.)
之前呢度咪有女士話自己都唔會買IPAD ,因為手袋細,有IPHONE 用咪得.又見俾人插,所以年輕人,你知道什麼事啦,咪再話APPLE PRODUCT唔好啦.
唔好燥先 🙂
“你有認真用過咩?”…
其實都唔係錯哂架
我用過, touch pad 的世界同 netbook 你用個 screen的世界係好唔同~
what u touch what u get, 好好多~
我諗其實個討論唔係 iPad v Netbook
係 Touch Pad V Netbook 囉
只不過無其實公司有部似樣,又平,又用得耐的 touch pad
個人覺得netbook 有一半工作用 touch screen做係快好多
我其實唔反對d 有touch screen的netbook~
也不反對 windows/chrome 的 pad
總之,唔好因為部野係apple出就影響左你的判斷
好明顯 iPad 係唔可以做哂所有野
但係 netbook 都唔可以
問題係,
我諗你地搞錯左,
用 iPad 的人應該都有一部 desktop 的
咁 iPad 做唔到的 Heavy Task 就係 Desktop 做啦 (Photoshop, WOW,
個題目係 iPad V NetBook for 平凡學生
咁就要睇下呢個平凡學生係咪想o係條街度做d heavy task 啦
Apple的定義就係想用呢部機來幫你做 d light task, heavy task 免問
(
light task
Cap screen and send email <–其實iPad 係可以的 home+button to cap
forum… 高登?? iHKG app 嘛
msn, twitter, facebook? 可以的
Game 就… 你唔鐘意玩所以你覺得唔好囉, 咁出街無乜理由wow喎, 通常都係 We Rule 架啫
)
咁如果你覺得你要出街帶部野又可以 又可以做功課咁…
咁就唔適合啦~
對你覺得唔方便, 唔代表對所有人都唔方便囉小朋友 ^^"
我又申報: 我買左部 iPad 俾老豆, he's loving it~!
我唔係燥,只係有感而發, 人地買乜用乜有自由 , 批評唔一定要接受,但連批評的說話都唔可以講就獨裁啦. APPLE 就係知好多人盲目死心地買佢野, 就慢慢同你出,如果IPHONE 4發表先, 你估IPAD 可以賣成300萬部? 就係知你地出乜買乜,出咗IPAD 先搵咗錢,再出IPHONE 4, IPHONE 4 咁正,你唔係唔買啊?
我有用MAC,有用IPHONE, 有用IPAD. 但最後我選擇家用IMAC, 出街上網用IPHONE, 出街要做電腦野用 NETBOOK最多用埋IPOHNE 做INTERNET SHARING, 而選擇賣鬼部IPAD.
你唔會又帶IPHONE, 又帶IPAD 又帶MACBOOK (PRO/AIR)出街掛???潮人??? 唔好搞到用APPLE的人好似都唔識判斷.
不過到最後點都會留WINDOWS 因為唔好意思LOR, IPHONE,IPAD 再好賣, 買的人用WINDOWS的,你估少啊. 香港的公司用WINDOWS的,你估少啊.
認同
ipad只能成為一部後備電腦
我都唔係燥，都係有感而發
從來都唔係唔俾人批評
但點解連用左iPad好耐o既人都唔敢認好了解iPad的同時
反而冇乜點用過果班竟然可以多多意見呢？
正如你冇睇完一套戲學咩人講影評一樣
唔清楚果件商品o既本質就去評論，反過來話人「唔俾人講Apple壞話」
到底係邊個搞錯左呀？
我都係同時擁有iPhone, Mac同ipad，三者各有各功用，但又不可以互相取代，有需要咪買o羅
點解要搵千千萬萬個理由去為反而反？
假如你真係認真用過，指出該產品的問題，冇人會阻止你批評喎，大家可以一齊討論添。
需知道呢個世界從來就冇完美產品。
我並沒有評論
只是一個決擇
小朋友，你都係返去讀多D書再學人寫野。
唉，講咗咁耐，究竟成日鬧呢個平凡男學生的人是咪認知有問題？你話ipad有幾好，mac有幾好，你點解會選用ipad，mac而唔用netbook唔用windows呢？你係咪有認真玩過netbook同windows啊？無啊ma，咁點解你又可以出來話netbook唔好，話windows唔好。 宜家平凡學生哥寫出宜家自已的選擇又有乜問題。最後你都識講，有需要咪買lor，咁呢個哥仔覺得netbook係佢杯茶，佢咪買lor，咁又唔啱，要俾人插？ 呢個乜野世界。
同意…
一開始已表明是獨立評論
自從見到連呢度的編輯post 出 iphone 4 天線有問題用software未必修正到的報導都俾人話，未用過iphone 4的唔可以出聲後，覺得呢度真是一句apple壞話都唔可以出街。你話我諗多咗都好，總之呢度一講apple野有乜唔好就勁多人回復勁多人插，唔信你可以自己慢慢睇返以前的post。我真的認受夠了，呢度係俾人分享gadget野的地方，唔是apple fans 俱樂部！！！！！！！！！！！每個人都有選擇的權利，我鐘意用乜係我自由。使唔使要搞到我用netbook唔要ipad要俾人話拋書包，要俾人話連做學生都不如， 要俾人話唔好日日打機做毒男。
一隻橙&一隻蘋果，我覺得橙好過蘋果，因為我成日口喝，覺得橙好味又多汁。
有人反駁，喟，你食過蘋果未呀？仲好食啦，又營養好啦，點啦點啦，咩春秋啦……
等等先，蘋迷，你愛食蘋果你既事，何解唔俾人愛食橙？一定要食過蘋果先可以唔鐘意蘋果嗎？我唔鐘意食蘋果，還需要去試嗎？還需要理由嗎？
請各蘋果朋友注意
1.此文是我的個人見解,獨立評論…不喜請回
2.以上得分是由先設條件下而定,並不代表誰較好
正如在口渴時
水較食物優勝
正如在想睡覺時
瞓床較瞓地下優勝
你唔成日丟書包啦！
有prerequisite同base on some virtual assumptions都仲可以叫做「評論」？
正如在口渴時
水較食物優勝????
我求其舉個例都駁到啦: 西瓜又點睇呀
你又駁到了什麼？
頭先見到報紙檔有本電腦書、標題是’ iPad vs netbook’
睇下點講.
If your primary need is a system for work, the netbook’s superiority is indisputable. For entertainment, however, the iPad has the edge, thanks to its superior overall gaming experience and better-quality audio and video–despite its lack of flexibility. Netbooks have the advantage in browsing the Web, but the iPad is a surprisingly capable and enjoyable Web browsing device even though it doesn’t support Adobe Flash. At this point, with iPad prices starting at HKD$2000, we think most users will get more for their money from a HKD$3888 netbook.
If your primary need is a system for work, the netbook’s superiority is indisputable. For entertainment, however, the iPad has the edge, thanks to its superior overall gaming experience and better-quality audio and video–despite its lack of flexibility. Netbooks have the advantage in browsing the Web, but the iPad is a surprisingly capable and enjoyable Web browsing device even though it doesn’t support Adobe Flash. At this point, with iPad prices starting at HKD$3888, we think most users will get more for their money from a HKD$2000 netbook.
睇完本書，真攪野、呢度d評語多過佢！
平凡人，唔好意思而架先睇到你是電腦初哥。
我做初哥果時都只係用緊Dbase同wordstar咋。
各位，因為此篇討論已經演變成罵戰，我們不得不封鎖回覆，抱歉