iPad 開賣,在旺角竟然有人凌晨就去排隊等買！實在厲害！看到報導，大部份排隊的人都是男性，我想女人是不會半夜三更去排隊買IT產品的。
要我在街上呆等，不如遲一點才買算了！又不是沒有 iPad 不能生活。同樣去書展要排隊，一樣令我百思不得其解。會展外的書店不會因為書展而關門，我前日才在書店打書釘來，為什麼要和人逼？像街市一樣叫賣的書攤，實在難以靜心選擇心頭好書。
今年書展除了o靚模與毒男之話題外，還有「電子書店」參展，加上 iPad 開賣，很多人就說電子書會取代傳統書。無可否認這會是末來十年的大勢，但對我來說 iPad 卻是得物無所用，Home Use 有 iMac, Mobile use 有 iPhone。最重要的是，iPad 放不進我的手袋！也不要問我同等價錢為什麼不買 iPhone4 而買 iPad 了。先要我說服自己帶多一件「大型電器」出街，已經是一項挑戰，因為那完全不乎合我「小手袋主義」的大原則！
我的小手袋內其實有以下的東西：
1. 錢包（有時這個也不用！錢和卡放在內袋算了）
2. 潤唇膏 & Lip gloss
3. Hand Cream
4. 紙巾
5. 筆
6. 卡片
7. 太陽眼鏡
8. 披肩（這個有時也不用，看看當日是否穿得太少布才帶）
9. iPhone
就是這個原因，讓我不想買iPad了。
About MIKA
生於 IT 世家，自小已被稱為「IT女強人」，熱愛網絡遊戲World of Warcraft，不知為什麼無論男女朋友總是喜歡找我維修電腦，對於電子和音響也有一定的認知度，雖然不是專家，但也能自己解決大部份技術性的問題。雖 然買 Gadget 都是以外觀行先，但 MIKA 多了一份細讀背後故事的執著，有共鳴先買。今後每星期也會在 UNWIRE.HK 與大家以女性角度分享流動產品心得。
分享到 :
最新影片
讚成，尤其書展。先付入場費，再迫一輪之後，不見得特別平。
平時唔去行書店既人，先會去書展買書的。
睇書，唔係計你買幾多錢，係睇你一日平均用幾多時間睇書嘛。
係有無須要,就好似披肩
哈哈，其實多數都唔帶的。我無本錢著小背心 😛
我都是絕對不會因買消費產品而排隊的. 已經比錢他們賺,為何還要在三十度烈日下排隊?
係囉，都唔明。
我咁大個女，係排過隊買皇馬既飛，當年係 6 ace!! 我想睇Zidane同Raúl 先去排隊的。
就因為明知香港開賣 ipad 都會咁..
要請一天假
要通宵排隊
要以小時計去等/同人迫
硬食差不多雙倍什至三倍價錢的配件
在成本上來看, 以上都是要錢, 要附出的.
而且, 就算你以上都做好了心理準備, 最後亦可能買不到………….
所以本人在兩個月前忍痛買了貴1300$的水貨,
起碼唔洗請假唔洗等, 唔洗同人迫亦都一定買到, 而且早幾個月到手。
本人唔係話買水貨有多好, 只係今次 apple 的開賣方式實在太差,
以至看似早早買水貨的還要比較著數。
(結果呢？到現在行貨出了水貨價仲要企到硬一硬就已經係行貨安排不當的問題…)
同我相反，我唔會咁心張要買水貨。
我反而會等到過左３﹣４個月，有足貨，先係apple store 買。
Free Shipping 送到屋企！
咁先係真FANS! (哈哈哈哈！）
打錯字，「心急」先啱
iPad 的魔力你用過就會知道..
想當初未接解的時候你會覺得它就是一台IPT 放大版．到你真係使用它你才知道他是台劃時代的產品．
不過我就跟你一樣未買 XD
我用過啦！
我公司一早買左一部，老細成日拎住去見客。
有幾個朋友都買左，我有用佢睇過片，玩過遊戲，食Lunch係街市度 Free WiFi 睇 Youtube.
睇書都好開心，因為iphone 個screen 太細。
但係咪真係要買呢？四千幾蚊，我會用黎買第二d野囉。
正如一個LV,GUCCI D手袋咁貴點解有人買…你睇O下LV同GUCCI TST shop做DISCOUNT咪又係大把女仕排隊…為咩..咪想用平D O既價錢買自己心頭好…….都係睇返自己需要…4千蚊家陣買部IPAD都唔算得係好貴….IPHONE 4都$4988….
我自己都有排隊買…唔明點解係都要迫去旺角買又唔係商場….日晒雨淋…我就8點左右去O左九龍灣德福排去到得十幾人….又有冷氣…
想買新野又想第一手用有邊個唔想……好彩買到第一時間用……無咪等一O下輪….
同意！男女都有各自心頭好，女人因為要買化妝品／名牌手袋而排隊的大有人在，只係我自己未試過要買任何產品而排過隊，所以先咁講。（除左當年我排過隊買皇馬既飛外）
恭喜你第一日就買到心頭好！
我都考慮緊係咪要買 iphone4（爭扎中）
iphone 4我覺得值得入…..不過我就會遲小小先買……一來我會等白色機…..同埋睇o下佢天線問題係唔係咁嚴重…..
same here. 其實天線問題都不是主因，還有距離感應器同藍芽問題，我都等白色
你部相機仲大過你手袋, 係未會有新一編宣言發表
張相入面部大機，係公司 Art Director 愛機黎啦，不是我的。:P
還在考慮買不買ipad好…還是等待採用android的tablet推出才作決定…真苦惱
我都想買iPad, 同意佢係劃時代產品, 上網唔使下下用電腦, 而我正想要一個長度有1024 pixel o既MID。
但我未買, 因為嫌iPad size都係大左D, 條邊最好幼返D, 螢幕細1″-2″左右, 唔support flash 同未有繁體都係令人卻步原因。
如果你用過ipad就知條邊唔可以再幼，而家已經有時會搞到掂到個畫面。
反正大小我覺得ok，係香左d，如果500g樓下會正好多。
我想知道如何才可以在unwire.hk發表文章
不是指bbs
而是首頁
謝謝!!!
你諗多左,UNWIRE唔係論壇你係無可能係首頁發表文章,每日為免濫抄友台資訊又要達到當初UNWIRE開台理念每日上載十篇新聞 唯有寫日記, MIKA係UNWIRE職員, 唔係人人做得
明白了…
真可惜
只有自己和幾個朋友開一個網了
多問一句
如何才能成為UNWIRE職員?
UNWIRE是一間什麼樣的公司?
Hello 平凡人,關於投稿的問題, 其實我有用 email 聯絡你呢, 可能email 填錯了所收不到吧。Mika 是我們邀請以女性角度出發做評論的作者，如果題材、方向合適，我們相當歡迎不同寫手的文章在unwire 出現呢。
好
讓我嘗試投稿
可以加我msn再談嗎
以上問題等官方答你…
但可以講,如果你同朋友開網…料源出自本地網頁,無內容標題,偏失評事,任意刪除留言等. 你開O既網只會係UNWIRE 2
讚處: 免會員制留言,但唔啱聽會被立即刪除
小弟多口一句, 請盡可能不要離題
iPad並非一定要帶出街用，
我反而覺得iPad響屋企用先係最perfect!
呢d野你一定要自已試過先感受到，真係方便到無論！
電腦而家對我黎講係要做野先開。
係屋企我係打機同埋睇video，一定會開住。
我諗緊都係出左電話先。
Hee Heee