係討論區上看到一則好有趣的文，內容大約講係 iPhone 4硬件規格 outdate ，好快會被淘汰咁話。其實有丁點知識的人都知道，iPhone 由始至終唔係用 hardware 取勝。由 iPhone 2G 第一日推出，硬件已經落後人地一大截，隨即惹來一眾人恥笑甚至對手大廠亦落井下石。誰不知 iPhone 一出，巿場立即反轉，曾恥笑 iPhone 的大廠所推出的手機巿場佔有率如直線般下滑，如今再比當紅 android 加多一腳，到今天看來該廠已無力反擊。
盲目指控
好多人話 Apple 嘛,Apple 出甚麼 Apple 迷都買啦!老實，你睇下你身邊用 iPhone 的朋友有幾多是 Apple 迷? Apple 都推出過唔掂的產品如 apple TV 。有人又說潮人最愛嘛，其實一部一年先推出新款的電話，何來潮物之有? 君不見如 HTC 廠月月大放送新機有所謂潮人月月換機？呢d 只係盲目攻擊 Apple 的胡言
.
iPhone 真係帶領全球
iPhone 吸引人係 OS，你睇下 iPhone 出左之後幾多手機抄佢個解控方式? 如果唔係佢你今日仲可能用緊支牙簽仔係機右邊拖 Scroll bar 咋陰公! 仲有 iPhone 2G 當時的流暢度係無一部智能電話比得上。一係就 do it first ,一係就 do it right ．iPhone 就係後者，早前d所謂機皇話一百幾十個功能，當中邊樣真係又順又穩定可以使用呢?
昔日所謂的手機OS皇者已經在統計圖中變成一條線
.
App store 每天令用家驚喜
仲有 App store ，其實以前 O2 有類似 online store 的野，只不過佢地唔比心機，上面成日無野 update，但 Apple 真係做到野，仲用分帳形式聚集左全球程序開發者，日日有新 app ，硬件上的新鮮感過一兩個月就玩完，唯獨部機的 App 可以keep 住令用家不時帶來驚喜！正如 HTC 日日比人嘈佢無更新，但有好多人係因為佢個 SENSE 介面而買的，所以唔好咁膚淺單用硬件去評論一部手機
呢種 scroll 法未有 iPhone 前邊個會用?
.
iPhone 4 只係追近距離
要講硬件，倒不如去買水貨日本機啦，一定係全界最新最強。iPhone 4好老實只係追近左其他電話的距離，而唔係超晒班，再加上 iOS 4 補足左好多 iPhone OS 不足之處，軟硬一齊改，試問今次部 iPhone 4 點會對一般用家唔及引呀?