白色 iPhone 4的隱憂

iPhone 4 全城熱話但就未有公佈售價，據內慕消息所指，iPhone 4 的售價會同前年 iPhone 3Gs 新價相同喎。今次部 iPhone 4 唔太吸引我，但都要買嫁喇！買咩色好?串哥向來都鍾意白色的電話，不過今次對 iPhone 4 的白色唔係咁睇好了，原因有下 :

1. Home 鍵易沾污

細心看看你現在的 iPhone，你會發現 Home 有會有少少的黑色污槽野同埋花痕，因為 Home 鍵同 Panel 面間有小小邊緣突出，所以比較易刮花同藏污，尤其手指公經常按壓，刮到個 Home 鍵邊邊位就好容易留低黑色野，到時白色iPhone個home 鍵邊可能要經常清潔，如果唔係成個圓變黑好核突

.

2.設計破壞平衡

如果你而家有電筒的話，請照一下 iPhone 頂位，你會發現有幾組感應器在聽筒附近，不過轉做白色panel後，呢d sensor就會好覺眼，仲加埋個前置cam真係好怪

新機吸引力一般

真係好希望佢可以用黑面白底，不過話時話你問我 iPhone 4 值唔值得upgrade，其實呢個答案一早有，當我買到 iPhone 3Gs 時，第一個問題就係問自己:iPhone 4 仲有咩可以玩? 大不了前cam ,靚芒同更快 CPU囉? CPU 黎講 3gs 我以經覺得好夠喇，所以個芒先係個吸引點。係有晒心理準備下加埋gizmodo揚晒部機，已經無晒新鮮感，個設計黎講我都係鍾意3g/3gs果種，2G都仲係好睇，反為今次真係好似 LG 電話咁，好無style。總括黎講，今次引唔到我去搶先買，可能等其他人買左睇下白色真機係點再考慮買唔買，反正3Gs 仲好好玩!

FaceTime?你玩得起嗎?

仲有一個好大的問題係，你出左 iPhone4 後多個 Facetime玩，咦喂?原來只係 iphone 4 對 iphone 4 先用到? 到時你老婆／女友又話要出埋一份架喇，話就話同你面對面談心！實情係 check 住你有冇鬼混，咁你可能又要比多畢錢出黎買機比佢，好喇，到真係要用時你又籟無wi-fi玩唔到，老婆大人就會叫你去join多個 隨身wifi plan ，你無得好走啦．．下次你同豬朋狗友去酒吧隊啤睇波，你無得呃佢話開 OT 架喇.

分享到 :

最新影片