Sony VAIO P11 售價企穩$11,000!

雖然之前已經為大家已經帶來詳細的Sony VAIO P介紹，不過小記亦是首次係場中見到全部5種顏色真身，店主表示，全新的粉紅、瑩光綠色同埋鮮橙色同樣有玩家追捧，而較低調的白色同埋黑色就仍然有唔少老細級用戶支持，加上暫時成個腦場只有2間店舖有售，有現貨既更只得一間，因此出左一個星期既VAIO P 售價仍然沒有大變動，最平都企硬係 $11,580，仍然長賣長有!!

瑩光綠同埋鮮橙色 VAIO P 機身膠感比起黑、白色重。

前文和大家提過 VAIO P將會有2個不同版本，根據了解，主要是內置SSD容量的分別，配備 128GB SSD 售價是 $11,580，而256GB 版本則要貴多$1,400，賣緊 $12,980，店員A話，賣得貴少少都冇辦法，而且D 日圓咁高，入貨既成本亦都高左好多 ~ 而小記留意到另一個情況係，部機個 MON兩邊設有 TrackPad 用作操作滑鼠，不過卻用上鏡面設計，玩左一陣就印滿左指紋，真係好睇唔好用，不過用好在外殼用左磨沙面，反而指紋問題得以解決，唔駛點打理都可以保持美觀的外形。

據了解，遲D 係7月 SONY 日本將會推出鱷魚皮紋特別版既 VAIO P11，當然店員A話公司梗係會入貨啦，部機皮味十足，肯定有OL同老板支持，不過售價估計仲會再高些少。 想平D? 等6月尾行貨出配備 Atom Z530、64GB SSD 的平價版本，相信售價可以即刻返落去$9000樓下水平，不過仲有冇咁多色揀，就真係唔知囉~~

採用同當年皮革VAIO CR Notebook 的黑色鱷魚皮革外殼，看起來和貴氣十足的手袋分別不大。

分享到 :

最新影片