通常一部新機落到先達，第一口價已經係佢整個生涯中o既最高價，之後只會不停跌價，除非有特別原因，否則好少會升價，但近排有一個例外，就係 HTC Desire。
之前 SE X10 水貨初初到步果陣，先達班老細開價都開到好高。但今次佢o地見 Desire o既硬件同 Nexus one 差唔多，而近排 Nexus one 已經靜晒，都唔敢對 Desire 抱太大期望，只係睇住 Nexus one 黎開價（好多舖賣緊 $4,500 樓下），大約賣 $4,380。
點知 Desire o既反應比想像中好，好多客想買，加埋歐洲果邊冇乜貨黎到香港，搞到先達勁搶手。於是班老細拿拿臨叫番高個價，多數去到 $4,680，狼死 D 仲賣到 $4,880，但聽講一樣賣到。今次班老細都算跌晒眼鏡，冇趁新機落場果時再賣貴 D，而家過左兩個禮拜，好難再開番個天價出黎。佢o地事後檢討，話可能 Desire 有 HTC Sense 介面，D 人覺得好用 D，所以多人買喎。
HTC Desire 少貨，好多手機舖都只有一、兩部看門口。
分享到 :
最新影片
