Fujifilm DC 仔串哥一向好欣賞！早係前幾年 F30 / F31 係日本賣都滿缸紅時，港人仲飲緊某幾間大廠廣告的奶水長大，仲買緊d又貴又多Noise 的 DC，唔係誇，果時部 F30 一出，ISO 800 分分鐘靚過d 所謂港人口的名牌 DC 的 ISO 400 ，不過果期你勸佢買 Fujifilm 的時候，佢眼光好似幫你異類咁上下打量，富士?得唔得架?仲好過Canon?唔係呀嘛..，唉巿場推廣真係好重要，尤其係香港！
其後富士 F31FD 承接住 F30 的優良畫質再下一城加入FD，又係絕世好DC一部。不過之後富士機仔就好似無乜改進咁，直到 F100出加番28mm wide，雖然有人話雜訊控制都仲好似F31fd好少少，不過我就覺得唔差太遠，仲有28mm玩，呢點夠實用呢!同埋紫邊好明顯少過F31fd。到左 F200 吹到天上有地下無的 EXR 技術，未出時真係好令人期待，出左之後真係大跌眼鏡，只係得個 DR 叫做有d創意．．其他都好平平，其後F70EXR以高變焦掛帥，但CCD細左，畫質又差左。
其實而家，其他品牌的 DC 雜訊都改善左好多，Fujifilm Super CCD 的優勢已經大不如前，點解仲咁唔爭氣呢?今時今日新出的 F80EXR，比老外炮轟到一文不值，唉串哥呢半個富士 fans 屎今次都幫唔落手 喇，我玩富士DC由 F30一路換到F200EXR，但入手左部 P記 LX3 部 F200EXR已經入晒冷宮．．．．．
Fujifilm F80EXR 老外炮轟文:
http://kimletkeman.blogspot.com/2010/04/f80exr-vs-f70exr-large-versus-medium.html
分享到 :
最新影片
