SE x LG = 山寨 W508 ?

而家 iPad 連機套、保護貼都黎齊香港，仲有乜肯定會到但係未到呢？咪就係山寨版！未見識到山寨 iPad 之前，等我搵搵呢期先達有冇新山寨機可以笑住先？有！就係呢部山寨 SE W508 啦！

咪住！乜呢部唔係 LG Lollipop GD580 咩？冇錯！佢個樣係就係抄 Lollipop，但牌子同型號就抄SE W508，不過望真 D 機面個牌子名，其實係「Sony Erisson」，少緊個「c」架！點解要咁「Crossover」？估計係萬一俾人告時有得拗，你話我偽冒 SE 咩？SE 根本冇部咁o既機喎；你話我抄 LG 咩？我其實叫 SE 喎，總之你知我唔脹啦！但係部機o既功能同價錢，同其他山寨機差唔多，買o黎用反而多個位俾人笑，唔值喎！

俾大家睇清楚 D 個名，點讀呢？「Sony Er ris 神」？

底部印埋 Walkman logo，同真 logo 好似！

正牌 Lollipop 有呢三隻色同後期加推o既紅色，但就冇山寨 SE W508 o個兩隻色。

分享到 :

最新影片